على كثر التعب فيني .. أبـ أفتح لـ العتب شبّاك
.......... وأدوّر شخص فـ الدنيا : .. يجي يتحمل .. أتعابك
لـ أنك غبت مدري وين .. لـ أنك رحت وش ودّاك
.......... تركت القلب هايم بك .. يسولف لييين هذرا بك
تعال إسمع صدى صوتي وتعرف وشكثر أهواك
.......... تعال إسمع حكاية حب .... ماتت قبل تحيا بك
تعبت آدوّرك فيني .. رحلت وقول : وين ألقاك ؟
.......... أبي تسمعني شويّه .. بعدها : .. طيّر أسرابك
أخاف أبحر معا حزني وأسافر لـ الجفا وأنساك
.......... وأخاف الجرح يظلمني .... وينساني على بابك
أحاول قد ماأقدر : أعيشك .. حُب .. وأتمناك
.......... وأحاول كثر هـ الدنيا .. أموت ولا يجي عتابك
تمنيتك تجي وياي .. نعيش العمر .. أنا وياك
.......... وتمنيتك تروح شوي ... وترجع تمحي غيابك
غريبه كل لحظاتي .. شلون تغيب .. ماأحياك
.......... غريبه كيف تاخذني ........ وقلبي صار يغتابك
زرعت من الوفا وردة .. حتى إسأل دفا يمناك
.......... زرعت إحساس مايذبل ... جذوره تملي ترابك
ضحكت من الحزن وأدري .. حبيبي وينها دنياك..........
وبكيت من الفرح وأدري .... يسليني دفا ثيابك
تخيّل .. كثر مااحبك .... مكانك باقي يستناك
.......... تعب من كثر مايبكي .. وكل هذا من أسبابك
جلست شوي كلمني : يا.... قول وش بكاك
.......... تقطع قلبي من حزنك .... عيونك تفضح كتابك
همست وقلت : يادربي طويل وكل ابوه أشواك
.......... عجزت أعرف حقيقة شي .. ليه الحزن هلاّ بك
أشوف أفراح هـــ الدنيا .. تسافر .. تبتعد لـــ هناك
.......... كثر ماجيت أبـ ألحقها .. يجيني صوت : وش جابك ؟
حبيبي ... وإنتهت قصه : فصلها الأول ... أترجاك
.......... حبيبي .. وأبتدت قصة : .. قدرت تغيّب أحبابك ؟
