عرض للطباعة
مساء الورد ويمكن صباح الورد بعد حسب توقيتكم الغاوي😁
اليوم افتتح هالمدونه
بين واقع وبين خيال وشويه مهايشه طبعا
التاريخ 7/4/2017
الملف التعريفي تبيووه ولا ما يحتاج
رونق
مطلع العشرينيات
من مسكد الحب طبعا
موظفه وطالبه وبسكم شيه
لمتابعين المدونه لكم مني اجمل تحيه🌹
اعرف بس فطووميه ومهووش بو يتابعو 😂😂
صباااحكم انا ��
سويت طريقتش بس ما فادت شكلهم مسويلي حروز حال الاقتباس🤣اقتباس:
المشاركة الأصلية كتبت بواسطة آلسيدة الآولى
ههههههههه شفتي اني فرنسيه ف نهايه الفيلم
غصب غصب
هههههههههه بس ما اروم اخف ع العنوان فطوم وتشجيعها الغاوياقتباس:
المشاركة الأصلية كتبت بواسطة ♧مهااا♧
امين جميعا حبيبتيه😘
مــآجيـت أدور في هوآكم علاقــه
جيـت أتـونّس وأسعد القلب وروح
يكفيني الله شّــر من فيهــم الشّر
ويعطيني الله خَير من فيهم الخير . .
حلاة الأيــام كلمـه حلـوه و*بسمـه
والعمر *لولا التفـاؤل*ماله أي قيمـه
والحـزن مثل الفرح في ذا الزمن قسمه
والشوووق*غيمـه ولاهو بأي*غـيمـه
����
تهدد بنت بصورتها؟ بشر امك ماجابت رجال ، المرسل: ولد يبي يضبط بنت بالسبله وشويه بهارات عشان يكون هيروو طبعا😊😉
ويااااااا كثرهم هنا😩 مسويين فيها رجال
بختكم اقول 😜
آلأشخآص آلضّعفآء ينتقمون
وآلأشخآص آلأقويآء يسآمحون
وآلأشخآص آلأذكيآء يتغآفلون . .
http://www.3rbz.com/uploads/4ef559c576c11.pngمركز تحميل الصور
هههههههه والله احسن ناس انتو💕
ربي يسعدكم ويسهل اموركم ويحفظكم لاهلكم بس دعيتلكم🤦🏼♀🌹
ههههه القصص من اخلص اختبار ولا تعالو ذاكرو عني🙄
http://www.3rbz.com/uploads/ebf5ef7eec261.pngمركز تحميل الصور
فطووميه😢
والله ع جنونك انتي اصدق وحده ف مشاعرك
ربي يسعدك حبيبتي ولا يحرمني صداقتك ياارب
كنتي معي ف اصعب مراحل حياتي وفاة امي 💔واثبتي انها ما مجرد صداقه اخوه صحيح ما حد يعرف صدق الناس الا ف الازمات
والله انك اروع قلب هههههه ع فكره ما عرفتيني 👻
لَيْسَ كُلَّ مَا تَقراه كتبٌ مِنْ أَجلك َ،
إِنَّمَا شعورك َ بِالذَّنْبِ يجبرك على ذلك..
http://www.3rbz.com/uploads/73e41b454c831.pngمركز تحميل الصور
1-___ف مزرعتك 🤣
2___تهررج كلي اذان صاغيه وقصف وطلع بو ففوادك ما امسك لسان حد😜
3___تسلميلي حبيبتي💕💕 ويحفطك ويسعدك يارب 💕هيه عرفتشش👸🏻😜بس انتي ما عرفتيني🌹
الموووووهيمم
دعوااتكم لي الي يكرهني قبل من الي يحبني
عندي مشروع تعديل درجه ��هههههههه
عاد بدل الشليخ حطو حاجه زينه
ما من قدامنا وجهه ومن ورانا وجهه
يالله عاشوو ولادي دعيولي نزين
وشكررا ع الصراحه ��
فطووم دعووتش وصلت ❤️
يااربي هين راحت المدوونه
قرربي بعيد
صباحكم انا
المهم شكراا فطامي حبيبتي ع المباركه والحفله الي سويتيها لي
وصيحتيني
الشكر لله اولا
ولامي ربي يغفر لها ع دعمها لي لتكمله دراستي والحمد لله كل شي الله يكتبه يصير
ولا خواني وفطاامي ع راسهم دوم كانت معي الحمد لله هو الموفق في كل شي
باقي شي واحد ويارب يسهله لي
وبعدها بتكون لي قصص عني فتره دوامي ومرضي وعلاجي .......الى ان وصلت هذه الرتبه
بس عاد من اتفضى تو مطلعين عيني 😢
مساء الخير عليكم كلياااتكم 💗
حشى مدونتي مشوحيبها اخر الدنيا
بس اسلم والعي شويااات
مفتر مخها واجد عجبني الي كتبتيه😁
وعجبني رد الوريث افحمش اتوقع🙇🏻♀
وعندي تعلقي صغيررون ع تنرفيزتش
مشكله الي من عندنا وعطوهم جنسيه ذاك الصوب نعرتهم تنعرف
وسلامتش حبتيه تسوقي محد يقطع الشارع ع حد من هنا ولا من عندكم
وهم مخسرين فلوسهم ما من مخباش*
يـارب يـسرها على كـل ضايق
وارفع ستار الهم عن كل محزون
لـوكان في درب السعاده عوايق
تهون مع رحمتك يا خالق الكون
اخباركم وكيف الصحه هههههه الي يتابعني الله يسعدكم ف الداريين
المهم حبيت اتكلم عن قضيه صارت ف احد مؤسسات السلطنه
موظفه من الموظفات ف الصباح وصلت لمقر عملها وهي تبكي وتشتكي لزميلاتها من موقف صار لها
طبعا البنات يكلموها ليش تبكي وش صاير
ردت عليهم ان احد المدراء*
اتصل عليها في وقت متاخر وقالها انا خارج قدام السكن الي هي ساكنه فيه
نزلت البنت وهو ينتظرها قالت له امر استاذ قال لها ما يصير من الباب ركبي السياره وبنسولف
وبعدها حاول التحرش فيها وهي عصبت وطلعت من السياره
وما داومت بعد الموقف لمده اسبوع
وطلبت من زميلاتها وزملائها يشوفو لها حل؟؟؟
لو كنتو مكانهم ايش يكون الحل؟؟؟
حطو رايكم ف صراحه
يتبع ....❤
مسيتتو بالخير
ومشكوورييين ع الردور الي شفتها وتبين انكم فاهمين الاجراءات القانونيه صح اموره الونيس عنيد القعقاع
دائما احس تفاعل الرجل لمثل هذه القضيه اكثر من تفاعل البنت
لان فيه دموع وكلام قوي
بس تفكير مها و سيدوه تحلل القضيه قبل الحل وهنا ادق وعشان ما نظلم احد
هههههههه عنيد ترسل حال عمرك وترد ع عمرك انت وحدك عالم ما اخذ ع مدونتك ههههههههههه كلها منك واليك😂
ع موه تفوز فالترشيح من زياده المعرفات هههههههه
عطووها زملائها وزميلاتها نفس الحلول الي حطيتوها
واحد من زملائها قال لها انه اخوه ف الادعاء العام وبيعملو شكوى من غير شوشره
بالاول البنت ما كانت موافقه بعد الحاح من زميلاتها راحت
وقدمت شكوى ع المدير والدليل الوحيد كانت محادثه ف الواتس
بالحرف
انا خارج السكن انتظرك
طيب استاذ ليش
تعالي وبتفهمي
تمام استاذ
هذا الدليل الوحيد الي كان معها ضد المدير
بعد التحقيق معها ومعه كانت في محادثه بس ف فون المدير غير عن الي معها في اشياء كانت محذوفه
وبالمواجهه اعترفت انها كانت ع علاقه سطحيه بالمدير وما عطاها ثقه كامله فبدت تعمل له مشاكل
المغزى من القصه ما كل من سدح شي ع احد نصدقه يمكن بينهم شي ف الوسط مبهم
ولا تظلم احد عشان هذا صديق او زميل واوقف معه ما لازم يكون هو صح
والقضيه حقيقيه من ثلاثه اشهر 😇
والي كتب لي فصراحه كلمات وقحه شكلك واجد متثاقل عليي😂 مسموحيين كليااتكم
وبريوونا رمضان ع الابواب السموحه من الجميع
مساء الخير ورمضان كريم
حبيت هالمسابقة وااجد
وما جبت غير 8☹
يالله جربوها بتعرفو اذا تقرو بتركيز ولا ورورورور🤣
اختبر معرفتك بالقرآن الكريم
اختبار من 10 اسئلة .. شوف كم واحد تجاوب عليه؟
l3bsa.com/quiz/4/
شاركووني النتيجة🙇🏿♀
🌚🌚🌚🌚............
http://up.omaniaa.co/do.php?img=10536
وعليكم السلام
ههههههه يعني بادب الطلب طيب ولدي ما اضيف بس ما يقصرو الجماعه هنا بيضيفووك الشباب بيكتشفوو من هذا القميل🤣
وشكرا لك 🙇🏿♀
ههههههه يااخبله كان ذكر ام انثى عادي اعمل نسخ ع الرابط وحطه ف الويب يظهر شيه
عب سيدووه والونيس فتح معهم
صح سيدووه مسلمه شطورره جيد ههههههه
الونيس مثلي جيد جدا ولدي هههههه😝
مسيتتوو بالخير والله يتقبل طاعتكم
اكيد محد ذكرني ههههههههه
تنميط الدين !
عثمان ميرغني
كل أسبوع تمزقني الحسرة عندما أهم بدخول المسجد لصلاة الجمعة.. خطيب يعتلي المنبر ليعيد علينا دروس سنة أولى ابتدائي.. ومصلون يظنون أن الحكمة من صلاة الجمعة هي (البحلقة) في الخطيب إلى أن يصل (ولذكر الله أكبر) فيقومون بتثاؤب ليركعوا ركعتين.. ثم يتزاحمون في باب الخروج كل يريد أن يسبق الآخرين في الخروج من المسجد.
نحن نظلم الإسلام بمثل هذه الطقوس التي تفرغ العبادة من حكمتها، وتحولها إلى مجرد عادات وتقاليد تؤدى بمنتهى العفوية والـ (لا) تفكير.
سؤال يحيرني؛ من قال إن خطيب الجمعة لا بد أن يكون خريج كلية الشريعة أو ما جاورها؟، لماذا لا يصعد المنبر طبيب ليحدث الناس عن الكوليرا، وكيف يتجنبوها؟، أو ضابط بلباس الجيش يكلم الناس عن التضحية من أجل الوطن، والدفاع عن الأرض والعرض والشرف الوطني.. ويقول للمصلين إن العسكرية تبدأ من هنا.. من المسجد.. فما الحركات الجماعية التي تؤدي بها الشعائر إلا ضرب من (التربية العسكرية)، التي تربي الناس على الانضباط، وترقية الإحساس بالفعل الجماعي المنظم.. أو عامل ميكانيكي يلبس (الأوبرول)، ويحدث الناس عن (أن الله يحب إذا عمل أحكم عملاً أن يتقنه..).. أو معلم في مدرسة ليشرح للناس كيف يستذكرون الدروس مع أطفالهم.
لماذا لا يصعد المنبر إلا صاحب لحية يلبس جلباباً أبيض؟، أليس ذلك (تنميط) للدين؟، وتضييق لمفاهيمه.. من قال إن منابر المساجد حكر لخريجي كليات الشريعة؟.
الإسلام دين يرفع من شأن العمل مهما كان، ويعده عبادة، وإتقانه تقربا إلى الله، ولرب جندي شرطي يساهر الليل كله في سيارة (النجدة) يحفظ أمن الناس أفضل عند الله من عابد يتلو ويصلي الليل حتى الفجر.
لكن مثل هذه المعاني لن يدركها الناس ما دام أن خطباء الجمعة يصرّون أن الدين هو في (كتاب الدين) المدرسي.. الذي يكررون قصصه بمنتهى الـ (لا) وعي.
الإسلام دين (عالمي) و(علمي) و(عملي).. يحضّ على التنافس في اعمار الدنيا.. ويرفع من قيم الإحسان في العمل، وحسن التعامل مع الآخر (الدين المعاملة).. لكن تخلفنا في فهم مقاصد الإسلام هو الذي يجعلنا نظن أن الدين طلاق للدنيا.. فتكون النتيجة أن يكتشف ويصنع لنا الآخرون الدواء والملابس والطعام، بل حتى أدوات الصلاة (المايكرفون والإضاءة وغيرها).. ونظل نحن أمة متخلفة تتسقط فتات الأمم
عجبني هالمقال يمكن مفروض ياخذ بعين الاعتبار
بس اذا فيه فتوى انه ما يصير الله اعلم انا حسيته ما في شي واتمنى صح يطبق
بدل النوواد 🤣
ما صح فطووم🤔
شخبااركم وعلوومكم
الونيس حبيت النهر بين نزوى وبهلا سويو واحد حال عبري يحرصو نهر🤣
تو عاد بسوولف طشاات طلعت هالاسبوع الظهر مع خالتوو ونتفتها السوق هيه الظهر ما تبلجو بعيوونكم😳
قلت ما شي زحمه وسايره اخذ لاختي الدلووعه فستان للعيد
جلسنا نحوط من مول حال مول والحمد لله حصلت وخذيت لها مع اكسسواراته استرحت يعني😩
بعدين رحنا حلاق الاطفال عشان تحلق للنتفه وحصلنا ولد صغيرون يمكن عمره كذا اقل من 3سنين
ومعه ابوه يصيح ويصيح رحمته لين زاع ما لازم يحلق اذا ع هالحال 😢
والاب يكلمه انجليزي😁 وانا اقول تو ذا يوور من الصايح وهو يرطن له انجليزي شوفوني اعرف انجليزي
زين تو كل العالم يعرفو انجليزي حاموه ذي الفشره بو مستويه فالدنيا 🤣
خالتي تقول خليه يكتسب لغه ههههههههه المهم هنه جملتين بس من دخلنا لين طلعنا
تو بيخلص باقي شوي
بعدين اوديك الالعاب
ويعني مسكت فالانجليزي ههههههههه تو تذكرتش فطوم تقول هذه تربيت الخدامات مو يطلعووو ههههههه
ورجعنا البيت
وعطيت اختي الفستان وكانت الصدمه🙇🏿♀ مشترتيلي ذا ما اباه ليش ماه ما تبييه ابا منفوش
منفووش ف الصهده تو بنتي ما برد حر علووه وتمت تصيح روحي شتري لي غيره 😒
وارسل لفطووم صوره الفستان
عاد هي الخبير قالت حلو روعه خليها شورش فطوم هيه بترضابه لليله العيد🤣
قلت لها انا السوق مره ما اسير عاد ف البرد اخاف ع بشرتي شي باقي قطعه قطن هي وليسوها بشلها عند فريد ويفصلش منفووش ههههه وصطمت
عاد برايها مقتنعه لا بكيفها؟؟؟!!!!
وكني نسيت اني معي مدونه 😢
وداامي متفيقه اليوم لان عاد باقيات يومين ونطير ف ربوع السلطنه بحثا عن علم والكورس يباله حد متفيق وانا مستويه ما فيني بارض لشي لبر
بسدح لكم قصه مرضي يمكن احد يستفيد من مراحل علاجه وكيف تكتشفوه
بعض الاعضاء يعرفو عنه اني كنت مصابه ب هذا المرض
منهم سيدووه هنائيووه ورهووف
ونعم الاخوات وقفو معي ويسالو دوم عني الله يحفظكم ويبعد عنكم الامراض وعن اهلكم يارب
ف اول سنه لي بالجامعه حصلت وظيفه خالي جزاه الله خير هو الي مسجل اسمي فيها
ومن نادو اسمي انا تضايقت شوويات عشان كنت بدرس التخصص الي تعبانه اجيب نسبه ويقبلوني فيه
بس كل حد شجعني وقالو بتكملي ف كليات خاصه ولاني اكبر اخواني من امي احسن دام هذه فرصه يمكن ما تتكرر والمكان الوظيفه كل حد يتمناه
وبديت دوام عمري18سنه المهم جاتني حمه قويه ما تروح ابدا اروح الدوام واطيح لهم وانا اعتبر وقتها يعني الثلاث الاشهر للوظيفه تحت التجربه وانا يوم ويومين ما اداوم اطيح لهم
وعاد امي الله يرحمها تقول عين وحد يقول فيني مس وكل حد بقوله وما خلو مكان ما خذوني اتعالج فيه
والمطاوعه بو فعمان كلهم شفتهم هههههههههه يعني ما شي فالمستشفى نتيجه اتنوم يوم يومين من غير فايده
وصباحوو جميعاا
شكرا امووره ع المتابعه
وعسى حد يستفيد
تميت شهرين ع هالحال ما شي علاج لين وصفو لنا مستشفى ف بلاد مفتر مخها هههه عن تنعش بس سرنا نظبهم شويه ههههههه
واذكر كان الدكتور يقول لامي الله يرحمها ما فيها بنتش شي يمكن نفسيتها بس متضايقه من شي وامي تقوله حمه توصل 40 من نفسيتها قال عادي يصير
امي قالت بيكون صح قالها انتو هنا الحين سيرو تمشو شوفو هي ايش تحب ويين تبا تسير
عاد امي ما قصرت ربي يغفر لها وجلست لي مو تبي وين تبيي تروحي وانا اقولها ما ابا شي ولا فوادي اروح مكان
سرنا شوي السوق ورجعت بحمتي وساعه 2 طحت لهم ف الفندق خذوني بالاسعاف
وطاح لي دكتور كنه الله سخره قال هذه ما طبيعيه فيها شي خلوها معنا اليوم قالت امي بنرجع باكر قال بس يوم واحد وبعدها رجعو من الفجر يطرشني من اشعه لاشعه وكل مره فحوصات
لين طلب خالي قال اريد رجال اكلمه هنا امي حست في شي بس هداها قال عشان بطرشه ياخذ دوا من خارج المستشفى
وبعد كم ساعه عطانا رخصه وقال خذو التقرير وف عمان عطوهم اياه اذا حست حمه مره ثانيه الدكتور عراقي اذكره
رجعنا لبلاد وع طول رحنا المستشفى كنت تعبانه
خالي كان يعرف وش عندي اخذ التقرير وعطاهم اياه قالو هذا خطا لازم نحن نعيد صار نزاع بين خالي والدكتور
قال تحرصوها تموت لين تكتشفو امي ما كانت موجوده سالته مو يكتشفو قال ما شي وكان معصب ههههه ما رمت ازيد كلمه عن احصل كف
وخذوني مره ثانيه اشعات وفحوصات وبعدها حولوني مستشفى البريمي تنهجيله من الشرق للغرب
وبعد اسبوع رحنا عشان النتيجه هنا قالو في ورم بالكبد امي تعبت مسكينه وانا ما اعرف كيف استقبلت الكلام
من ايش وكيف ما كان في اجوبه ابدا غير الله كاتب ليش يعني تسالي ما بتستفيدي شي
سالو اذا معنا ف العائله حد ما كان حد فيه
يسالو عن الالم وكل شي عادي ما كنهم قالو لاحد فيك ورم وانا اشوف عليهم وقتها مفروض يكون دكتور مختص يعطيك الخبر ما اي حد يجي يقولك اشكره بس بو معنا هههههه زايده عليهم الثقافه
الاساله وقتها كيف استئصال ولا كيف ولا علاج مطول ولا ولا
امي سلمت امرها لالله وقالت شوفي كل شي من اليوم يتغير اهم شي انتي ونفسيتش ما حد بينفعش
لا تشوفيني تعبانه وتزيدي ما تشوفي ع حد ابدا
كم وكم درس منها تعلمت ان صح كل شي بالنفسيه
علاجي الاولي قالو كيماوي لمده بعدها استئصال بعدها كيماوي مره
ما اقل عن سنه
بديت كيماوي جرعات ف عمان بس كان يطولو المواعيد
لين سافرت عشان ينتظمو الجرعات
اول الجرعات كانو لمده اربع ايام كنت احس تعب ولوعه بس ما واجد
بديت بعدها اخذ جرعات ف فترات بين اسبوعين عشان العلاج يكون اقوى
الي حلو ف العلاج يعطونا مثل الدروس النفسيه وتقييم المرضى يعني واجبات بعد وزيارات بينا
الي كانو نفس مرضي بالضبط اثنين ماتو من اسمع حد دخل غيبوبه او مات نفسيتي تنهار بس كانت امي تقويني كل مره
ف المرحله الاخيره للعلاج انا تعبت لين دخلت العنايه المركزه لان جسمي خلاص متشبع كيماوي
وقفت امي معي ما كني ف العنايه والدكتوره كانت بعد معي ترفع معنوياتي
بس كنت ما استقبل ولا كلمه اقولهم انتو ما تحسو بالي احسه واصرخ فيهم
لين جاني مريض مثلي قالي شوفي انا اخذت الجرعات سنه ونص وكنت اصرخ مثلش بس شوفي الحين انا كيف عرفت انهم كلهم حاسين فيني ولا ما تشوفي احد قدامش تو هم ما يضحكو عليش بالعكس يتالمو اكثر
انتي مفروض تعطيهم ايجابيه اكثر من هم يعطوش
هههههه طبعا المريض ما عربي ولا مسلم
طلعت بعد ثلاث ايام من العنايه يمكن ايام صعبه بس ما حسيت فيهم بعدين تغير مزاجي للاكل ما اخذ غير مغذيات
لسبوع كامل وما طلعت من المستشفى بالعاده اخلص جرعه وارجع الشقه بس اذا تعبت اجلس فالمستشفى
مرن 6اشهر وكان وقت الاستئصال
قال الدكتور نجاح العمليه 60 واقل حسب استعداد جسمك
ما كنت افهم بالنسب صراحه ف الطب بس قلت يعني ما شي حل برايه وامي قالت اذا ما شي حل غيره سويو وخلاص متكليين ع الله
قال يمكن نقص جزء من الكبد يمكن بس ما اكيد هنا الواحد ما يعرف كيف شعوره وش يقول
وعملت العمليه والحمد لله ما كان فيها اي مضاعفات
واخذت شهر من غير علاج وغيرنا جو يعني بديت اروح وارجع ما كنت مهتمه لشكل الي وصلت عليه
اهم شي وقتها ابا اخلص وارجع لبلاد
بدت امي تشجعني ادرس بانتداب عشان ما افكر بالعلاج وانشغل بشي
لان باقي لي ما اقل عن ثلاثه اشهر او يزيدو حسب استجابت جسمي
وسجلت لدراسه امي كانت مدرسه ممتازه لي طبعا ههههههه حال لقشب بس احلى المررحل ف العلاج
الله يرحمها ما خلتني لا لليل ولا نهار تذكرني وتذاكر لي وتشرح وتغير تفكيري
العلاج مع طول المده يكون متعب اكثر من اول بس انا اقولكم عن تجربه النفسيه الي تحسسك ب الصعوبه او لا
كل العلاج لهذا المرض نفسيتكم ثم نفسيتكم
عشت ببيب التنفس لثلاثه اشهر الاخيره بس الحمد لله دام المرض راح ما يهم كل شي
نصيحه بين السنه اعملو فحص كريات الدم مهمه جدا
العلاج ف البدايه اسهل من النهايه
خذو اخوانكم اهلكم للفحوصات بين فتره وفتره
الحين بين كل ثلاث اشهر اروح للفحص ما وسواس دام المرض وصلك مره اكثر الدكاتره ع راي واحد يمكن يرجع
الله يحفظكم واهلكم والناس من الامراض🌷
اللهم اجعل ما تبقى من عمري سـعاده و ابعد عني الهم و الحزن
غالباً نكون ضُعفاء ونحن في منتصف الطريق، فإن عُدنا سنكون بلا عقل وإن رحلنا سنرحل من غير قلب !
كل عسـرٍ لا دارت الدنيا يليـن ؛
وكل ضيق يلقى بأمر الله سعَهہ 💚'
ما أكثر الكلمات التي تتراجع أصابعنا عن كتابتها رغم أنها أصدق ما نشعر به
عندي شي بقوله بس احس ما وقته بعده 🙇🏿♀
المهم غيرنا صراحه عشان الجميليين ما يتعايوو كيف ارد
اسكاود انزل الي تكتبوه عاد سامحوني تراه البارض معي صفرر