وداعيـة وتبقى قلوبناعلى قيد الوفا
وداعيه تهز ضلوع صدر العاشق الولهان
وداع فيه من صـدق الحـزن ماله ينسيني
فمان الله وعيون السهر في داعة الرحمن
فمان الله يا اول من سكن من بيني وبيني
فمان الله يا اخر جرح دامي واول الخلان
فمان الله يامـلح القـصـيد وبــاقي سنيني
فمان الله يا من لك بقلبي مرتـع وموطان
ولك بين الضلوع العوج بيت ولك عناويني
عليك ارسل مراسل الغرام بلهفة الاحزان
واتوق لرد يذبح طاري الفرقا ويحييني
وانادي يافلان اقرا الرسايل طالبك يافلان
وليفي شف غرامك ويش سوا في شراييني
واعرف انك قريت اللي كتبت وفي بعض الاحيان
تشوف الواردات ولا تــرد ولا تـحـاكـيـني
وانا ماني سفيه وماقفي مايقبل السفهان
ولا اقبل كل شخص يفرد ضلوعي ويكويني
ياكون انت الوحيد اسامحك واغليك مهما كان
قسم بالله ماقــبــلك حـد لاجله بـكت عـيـني
عطاك الله من اوصاف الجمال الطاغي الفتان
وعطيتك معظم شعور الغلا من دون تعطيني
تعبت اراقبك واطرد سرابك تايه وضميان
اسوق الرجل واقدار الزمن صوبك توديني
ودريت انك لغيري وانفجر وسط الصدر شريان
رحلت وقلت يانبض الغلا وينك وانا ويني
بموت من الحزن ومن الفراق ومن جفا الخلان
لكني لو بـمـوت اهـون ولا طـرد المقـفـيـني
فمان الله هاك اخر قصيده مالها عنوان
ولكن طـالـبـك لا اقـفـيـت عني لا تخليني
