-:<>:-( يســـألوني إلى متى..؟ )-:<>:-
-:<>:-( يســـألوني إلى متى..؟ )-:<>:-
أون ونين مثله ماحد ون يا جاهلا ونيــني
من سـمع ونيني من قلبه بكى لـيـل ونهـار
اشكي من العنـاء أبقي اجيه وإلا يجيـني
أرى البعـد بعـد القـلوب ماهـوب بعـد الدار
آه ما ألومها إلي بكت حـين تسمع حنيني
اشـد مـن حنـين ناقة مات قدامهـا الحـوار
ما ادري كيف الدنيا عنه تبعـدني وتدنيني
ما ألوم منه كان مثلي لصاح ليلتين محتار
والله غير الغزال اللي شفته فلاحد يعنيني
شـفته وأنشلع قلبي كما انشـلع مـسـمــار
ليت السمر والبيض والحمر كانوا لايميني
وشافن غزالي قالن مانلومك ياابن لاحرار
إذا فتحت لهم قلبي وشـافوا النار تكويني
غصب يطيحن صـرعى بس من لهيب النار
وإن مسكت بلبل بيدي من حرها ما يبيني
وإن مسكت البلبله منها جميع البلابل تغار
ياهيه خليني انضم القاف لاتفجرشرايني
تراني اخاف عليكم من الدم تجـري أنهـار
ياعاذل القلب صابني من الحب مايكفيني
سطابي جرحا تعوذ منه المسلمين والكفار
ألا ياأهل المنتدى بتشجيعكم قـافي يزيني
ويخـفف الآم أنزلت بالقلب تجــزره جــزار
كفي عن البكاء يا عيني تراك فضحتـيني
ثار الدمع منك ياعين كما البركان حين ثار
يسـألوني إلى متى والقـلب دائم حـــزيني
مايدرون إن عدوي لقاله في بلادي أنصار
الله يزيحه وأنصاره اللي صاروا عـدويني
يدَّعــون الصـلاح وهم من أشــد الاشــرار
تكفون ياسامعين القول امنوا على تأميني
آمين يحصيهم عدد ويقتلهم بدد ربناالقهار
مايرضى بالظلم حسبي الله على ظالميني
كل ماتذكرتهم ضاقت بي الدنيا قبل الدار
ألا ياناصرين الحق بدعوة الحق لبد يبيني
حقي اللي طال وقته ومازلت في الأنتظار
وصـلوا على النبي محمد خــاتم النبييـني
صـلى الله عليـه ما تعـاقـب الليـل والنهــار
الشاعر/ حمد بن فهد المخالدة السبيعي
