((((( انس المحبه واعتبرني نسيتك )))))
https://r1.res.office365.com/owa/15....s/clear1x1.gif
عفت الغلا عفت الغرام ورواجه
ودربا يوديني على بـــــاب بيتك
[ تبيعني فـ سوق الغياب وحراجه
وانا خسرت العمر حتى شريتك ]
ضحيت لكن تضحياتي ســــذاجه
وانا احسبني فالغرام اهتنــــــيتك
القلب لو يحتاج وانت احـــتياجه
اقطــــع يدي وموت ولا رجيتك
حلاك صاير في عيوني سماجه
وغلاك مايشفع مادامي لغيتك
شربت من ضيم المعاتب هماجه
وغفيت فيك وليتني ماوعيـــــتك
لوقلــــــبي المجرح عندك علاجه
نصــــــيت كل الناس ولانصيتك
القلب كنت انت السبب فـ بتهاجه
واليوم صرت انت السبايب بكيتك
امسيت مابغي من وراء الناس حاجه
واصبحت متحسف على اني جنيتك
حكرت شوقي وسط عنق الزجاجه
واهلكتني ضامي وانا قد سقيــــتك
بكره ليا هبت عليك العجاجــــه
ونسوك خـــلانك لاترجع فديتك
هدمت عرشك وانكسر عز تاجه
وانا قرصت اذنك وياما نهـــيتك
يذبحني انك شخص على مزاجه
ويذبحني انك يوم تطلب عطيتك
كنت احسب إنك للمضيع سراجه
واثرك ليل ليتــــــــني ما سريتك
اليا طلــــــبتك من غلاك نتواجه
سقت العذر وتروح ماعاد ريتك
كانك تحسبني احبك لـ/ [ حاجه ]
انس المحبه واعتبرني نسيتك
