ماعاد لوجودك معي اي داعي
لاصرت عن بعض المعاني تخلّيت
ماعاد لوجودك معي اي داعي
مانيب محتاج المقفيين لاجيت ؟
ماعاش من تلوي يدينه ذراعي
انا من اول ماولدت وتربّييت
وجهة مع ريح المعزه شراعي
لو طحت في حضن المشاكل وطبّييت
ماعلنت لظروف الزمان انصياعي
والا انت ياساكن فؤادي وصدّيت
ساهمت مع قل البخت في ضياعي
اكبر خطاي اني عشقتك وحبّيت
واني صريح وعاطفي واندفاعي
واكبر خطاك ان قلت لك ايه ،، عيّيت
عنيد ،، وشعورك معاي اصطنااعي
حاولت اداري خاطري منك وازريت
لا انت وجروح الليالي تراعي
الله معك لا قمت عني وشدّيت
للبعد ماتحتاج عذر ودواعي
مانيب راجي جيتك كان قفّيت
تموت ماتلوي يدينك ذراعي
