كيف اسامح والسماح ابعد من نجوم الثريا
كيف اسامح والسماح ابعد من نجوم الثريا
كل هذا الكون ذرة تغمره قطرة جراحي
كنت احسب انه تجي فيك المروه والحميا
ايه يالجارح لقلبي كيف تلقى به سماحي
هيا سوق خطاك قبلك هيا سوق خطاك هيا
الرحيل اقرب لك ارحل دوج في كل المناحي
كنت اسامح وانت لاهي منت في قربي هنيا
ما طلبتك عز او قلت انت في ضعفي سلاحي
لو رفعت الراس ماني مرتكب جور وخطيا
لو خنع غيري فماني لابس لون الوشاحي
علمتني دنيتي ان الوضع تدنا بكيا
وعلمتك ايامك ان الليل مثل اصفى صباحي
كلها ايام وليالي الضحك مثل البكيا
كلها لحظات ما تسوى حزنها والاضاحي
لو دخلت القلب طالع لو تجد فيه اي شيا
ما تلاقي به سوى ما حب قلبي من مراحي
ما احب الكره لا والحقد ماله من بقيا
ما تلاقي شي لودك ابتسامي او نواحي
روح في دربك ودربك طاع لك دربك وعيا
مافرق عندي حياتك انت نايم انت صاحي
من ما راق لى
