(مدري أقول الصدق وإلا أخفي الحقيقة؟)
(مدري أقول الصدق وإلا أخفي الحقيقة؟)
ضـايق صـدري اســأل الله يفـــك الضـيقة
مما دهاني أحس إن القلب ولعت به نيران
مـدري أقــول الصـدق وإلا أخفي الحقـيقة
بعــض الآوآدم مايـسـوى ابخـس الأثمــان
شـوف بعض الدول اللي يقـال عنها طليقه
صار الحــيوان عنـدها اكرم من الإنســان
لو الامـور بيـدها استطاعت تغيير الخـليقة
تجعـل الحـيوان إنسـان والإنسـان حـيوان
آه يالـيت المسـالة بين العـاشـق والعشــيقة
القــهر والمـوت لـمن صـارت بـين الاخــوان
هـذا زمـان العـجب الصـديق ينكر صـديقة
والاخو يحترق قدام اخوه ولاهمه وش كان
ياناس ياهوه تكفون قولوا الصدق وطريقه
العاقل يكاد يجن من فعايل أولها الإدمــان
والمصيبة يخـرج المدمن من بيته مع رفــيقه
كلمنهم يشـتم الثاني وشـرهم صار عـلان
والثاني تفحيط ولـكل مفحط يصـفق فريقه
راح فيها متفرج بموته والامشلول الأركان
والثـالث سـرعة بلا معـنى ونهايتها حـريقة
وإن عاش قال بظلم السائق الثاني غلطان
ويش فائدة الغلط لصاب كل منهم مايعـيقه
أهي قلة فـكر وإلا صـاب العقـول نقصـان
تدرون وشهو السبب وليه الغرب كثر نعيقه
وليه العقل طار من العـاقل في ذا الزمــان
وصرنا نجهل صوت الرعد وبرق لاح بريقه
وليه كثر العوج في الكثير من النسـاء بان
القـليل القـليل يعـرف السبب وناشـف ريقه
ما يقدر يتكلم وإن تكلم قيل ماعنده عرفان
كثرت الملاهي والبعد عن الإلهي كل دقيقة
نستغفر والقـلب من جمـيع الأحقـاد مليـان
الا من رحم ربي يسـتغفر وصـافي حقيقه
أيه يخـشى يوم تقشـعر فيه جميع الأبـدان
إلى متى والقلوب القاسـية ماتصـير رقيقة
اعلمكم السبب هو البعد عن سـيد الأديان
الدنيا أبعـدتنا عن الدين واجعلتنا مانطيقه
حبها في القلب والدين في اليد بلا غفران
تكفون رجعة للدين وخلوه يتحرك كالتعليقة
يشع نوره في الجسم بحـزم وعزم وإيمان
والخــتم صـلوا عـد ســيل تزايد في دفيقه
على النبي محمد وإعداد اشجار الأوطـان
الشاعر/ حمد بن فهد المخالدة السبيعي
