صباح الخير مولاي القصيده جات لك تختال..
على رووس البيارق وافيه من فم وافيها..
يحركها الشعور.. وتنبع عيون السحاب زلال..
على روض المرابع من هنا ل هنا. روابيها..
صباح الخير .. جاتك هالقصيدة لابسه سلسال..
ذهبها حبك.. وحب الوطن باللبس زاهيها..
ومن بعد السلام اضرب تحيه والرجال افعال..
على حد العيون ارسم ولا الطاعات وابديها..
سلامي ال وقتك الميمون ياغيث السما الهمال..
سلامي للبلاد اللي برجالك انت حاميها..
سلامي لك عدد ما رددوا هذا النشيد اطفال..
يحبونك يا قابوس المعظم وانت ساميها..
سلامي لك عدد ما ينقشون اسمك ف روس جبال..
ومن قبل ابجديات اللغه انت موافيها..
ومن بعد السلام اجيال خلفك ترتبط باجيال..
ترابطهم بروحك.. وانت روحك.. انت تعطيها..
بطل علم بطل علم بطل .. صاروا الجميع ابطال..
يدكون الحصون في حزة الشده تلاقيها..
وقف شايب على مرجام بيته للزمان وقال..
عسى الله يحفظ السلطان لي بلاده ويبقيها..
