كلام اللــيل يمحـــيه النــــــهار
كلام اللــيل قالوا عنه يمحـــيه النــــــهار
وباب الريـــح سده لو تــبي ,, تــــستريح
وقالو رزقك ماياخذه غيرك مهما صـــار
ودم المـــغدور الشرع لقتله ..( يبيـــــح )
وعن الحب مهما تعــطيه وقلبك له طــار
تظل في عيون من تحــب فقير وشــــحيح
اليوم من يكذب عند الناس صادق صـــار
ومن يصدق في نظرهم .. عـــدوٍ صــريح
وتقول انا محتاجك وانا لك قريب جــــــــار
وهو يعطي البـعيد ويخليك بســهمه جريح
وجرووح الـــشوق تولع في داخلــك نـــار
وهو بعذاب شوقك بداخله .. مســـــــتريح
من يبـــغي الصلاه ما تفــوته يا أهل الدار
ومن لا يبغيها.. أسالو الديك فيمـن يصيح
الخطا خطا و الخطا نهايته ترى أخطـــــار
وامشي في الصحيح تشوف قلـــبك مريح
ترى من يزرع الزين اكيد يــشتم أعطـــار
ومن يزرع الشـــين ثوبه من بعيد يفـــيح
عيش في دنياك غريب.. او عابر اســـــفار
وعيش لاخرتك وكانك بكره في القبر تطيح
لا تظلم الناس وتقول انا لي فيهم انـــــظار
يمكن تخونك نظرتك وما يصح الاالصحيح
من يعطينا .. عطينا القلب له (( تذكــــــار ))
ومن يسرحنا .. أبد والله وراه ما نصــــــيح ..
