أيامنا سكة سفر والسنين أرقام
يا درب لا تشكي مسافتك للأيام
النفس من كثر المواجيع مجروحه
إليا نشدتك قلت وعد الهناء قدام
صوت المشاعر من وعايدك مبحوحه
إما تحقق مبتغايه من الأحلام
ولا تبا تبطي وفرحتك مذبوحه
شيبتني يا درب ما شفت لك مرسام
خريطتك صعبه ولاهي بمشروحه
فيها الطلاسم تتعب القلب بـ الأوهام
الهم بأعماق الخلي شيّد صروحه
وحروف شعري دون عدك تصيح حيام
غلطتك تجرحني ولا هي بمسموحه
حتى الورق من لوعته يشكي الأقلام
والفكر ينزفها بجده وبمزوحه
وأنا مشيت أحلامي وحافي الأقدام
جاهل ولا يعرف طريقه ومصلوحه
كنت أحسب الدنيا مثل هبة الأنسام
يعيشها المخلوق وتزّود فروحه
وأثر الليالي نوب زينه ونوب خصام
وأسرارها من صدر الأوجاع مبيوحه
القلب في حضن السهر والمتاهه نام
متى يفوق ويغتنم روحه بروحه
أيامنا سكة سفر والسنين أرقام
في كل عام تزيد الأرقام فـ اللوحه
أجاذبك وأداعبك وأكتبك منضام
يا دربي اللي فيك الأجراح مطروحه
إما تحقق فـ المسافه كثير أحلام
ولا تبا تبطي والأشواق مذبوحه
