الضيق في صدري كسر حآإجز الصمت
فجـر برآإكيـن الكـلام وحكـآآنـي
ماطاب لي خاطر حسآآفـه ولا نمـت
كلـه سبايـب همـي اللـي حدآآنـي
البارحـه مليـون مــره تآلـمـت
دآآويت جرح وبآن لـي جـرح ثانـي
ماهي غريبه لآ أنجرحـت وتبسمـت
دآإم الوفـا مالـه مكـآآن ومـوآآنـي
والكلمه اللي لآطـرت بالخفـا قمـت
لآجيـت بنطقهـا يعـانـد لسـانـي
حـار الكـلآم بداخلـي ماتكلـمـت
كـن الكـلام يزيـد هـم المحانـي
أشيـاء وإجـد تـو منهـا تعلمـت
أشره على نفسـي وأعانـد زمانـي
درس الزمن خذيـت منـه وتفهمـت
يآكثر مـا أخـذ منـي ولآ عطانـي
أبوس راسك يازمـن لـو تكرمـت
كآفي ولـك منـي جزيـل أمتنانـي
أثر الكلام أحيـان يغتالـه الصمـت
وأثر اللسان أحيـان ماهـو لسانـي
