محاورة بولاية ابراء
بين الشاعرين/خميس بن جمعه المويتي وسعيد بن حمدون الرحبي وثم بين الشاعرين/خلفان بن محمد الجلنداني وعامر بن سالم الغزالي في ولاية إبراء بتاريخ ٢٠١٨/٢/٩:
خميس:
سميت بالله عد أيات الكتب
وعداد براقٍ يسوق بمرعده
بنثر سلامي على مقاديم العرب
أهل الكرامه والكفوف الجيده
سعيد:
ذكروا النبي بعداد م خولٍ نسكب
واسقى به المولى سيوح الجلهده
وأنا سلامي مثل نسناسٍ يهب
يغشي المطربيه ووفودٍ وافده
خميس:
م الباطنه جينا على حسب الطلب
نأدي ملازيم الصادقه الواكده
هذه براء يا ما ضبح فيها السلب
وذيك المعالم بالفعايل شاهده
سعيد:
يالمطربيه وسعوا مجال الطرب
شاعر واستاذ المثل لي ينشده
بوصولكم نارت براء شرق وغرب
طيب وبشاشه وبالحضور معيده
خميس:
راعي المثايل طيبته طيبة محب
وكل سائل بصدق المعارف يرشده
من شفكم بنصوغ عيصان الذهب
ما دام شلاله بطيب يفرده
سعيد:
يا الاصمعي سير وتوكل ف الدرب
بتبع خطاكم في دروبٍ مبعده
نجم النحس عنا تبعد وغترب
لولو وتبر صيغة مثلنا نصفده
خلفان الجلنداني:
بخلفه المثل الحينه
وسمعوا يا الربع تلحينه
قولٍ من ضمير فوادي
ويا المعرب عربه
بحايي بسكن المدينه
كلكم ما واحي وثنينه
ف شفكم قاطع بعادي
والدروب المصعبه
عامر الغزالي:
تو حيت روحي الحزينه
من جبتوا الصيغه الثمينه
جبتوا مطلبي ومرادي
والمسافه متعبه
ماشي ف الوقت تمكينه
بنزغ شراع السفينه
بوادع أهل البلادي
يا رفاع المرتبه
خلفان:
بدعي القوافي حصينه
من طاح المدي زفينه
غنوا يا جمع العوادي
واللمعزب موجبه
عجبه من سلكة يمينه
صايغ والصياغه زينه
شروى سلكة الوستادي
والنقوش مرتبه
