مايروح الفرح , لـو راحـوا النـاس
لاتـضـايـق .. وتــزعـل !
الزمن صلب , وانت انسان حسّـاس
لازم انك تغيّـر مـن صفاتـك
لو جبرك الزمن .. لاتحنـي الـراس
غيـر لله .. اذا كنـت بصلاتـك
ولاهـو ايّـة يديـن تمـد , تنبـاس
( عن عدا والديك) اكرم شفاتـك
ولو يقولون مفلس , قول الافـلاس :
لاخسرت الكرامه فـي حياتـك
بالامـل تقـدر انـك تهـزم اليـاس
اغتنم كـل فرصـه دام جاتـك
دوس روس المصاعب قبـل تنـداس
واسلك الدرب الاصعب في جهاتك
لا يميّـل غصونـك كـل نسـنـاس
خلك اقوى بعزمـك , وبثباتـك
ولاتعامـل بطيبـك كـل الاجـنـاس
حسب الاشخص خل معاملاتـك
وان حكت في ظهرك ( قلوب الانجاس)
ابتسم .. واعطهم من سيئاتـك
لاتمـر البشـر مــرور الانـفـاس
حط بصمه قبل لحظـة مماتـك
كن ذهب .. لاغـدوا قدامـك نحـاس
كن لهب .. لاغزا البرد امنياتـك
ولا تضايق وتزعل .. قول : لابـاس
لاخسرت ايّ حاجه فـي حياتـك
خون حزنك , و همّك .. الا الاحساس
لاتخونـه , تخونـك ذكرياتـك
مايروح الفرح , لـو راحـوا النـاس
انت من تصنع الفرحه لـذاتـك
