لاتقطع ارحامك ويشملك الوعيد
لاتقطع ارحامك ويشملك الوعيد
ولاتخسر الغالي ولاترخص غلاه
وخـــوك لاتخســـــــره ولــو انه عنيد
يخطي مية مره وتسمح له خطاه
وان كان شد الحبـل حاول ماتزيد
أرضيـــه قبل الشد يوصل منتهاه
ولاتنصحـــــه وقـت الزعــل ما يستفيد
اعرض عليه نصحك في ساعة رضاه
ولياطلب رايك عطه رأي ًســـــديد
وأن ماطلب الراي لاتبحث خفاه
واعرف ترى قرب المنازل مايفيد
وأحيان يبدي شي مــــــاودك تـراه
لـكـــن لاتقــــــرب ولاتـنـزل بـــعــيـــد
خلك على قول المثل حذفة حصاه
وحفظ حبال الود حفظك للوريد
اللي معـلق فيه موتك والحيـــاه
ترى الأخو مهما حصل يبقى عضيد
وتــــرى عــيال الـعــم مـاااعنهم غنـاه
الناس دايم ما تهاب اللي وحيد
اللي ليا منه وقف محدن معاه
