عرض للطباعة
السلام عليكم ورحمة الله وبركاته
http://www.sherv.net/cm/emo/sad/regr...y-emoticon.png ياي من الارشيف .. ومودر النسخة القديمة من "شي غريب"
خلاص يعني تم ارشفة مدوناتنا .. !
http://www.sherv.net/cm/emo/sad/shedding-tears.gif ما مستوعب السالفة ..
ولا مستوعب عمري ..
http://archive.omaniaa.co/showthread.php?t=178013
http://archive.omaniaa.co/showthread.php?t=178013
http://www.sherv.net/cm/emoticons/ye...y-emoticon.png
لاني كاتب العنوان غير عن الاولي
دخلت القسم وما عرفت اطلع مدونتي من بين المدونات
يبالي اغير العنوان للأولي
جديم البريسم ولا يديد الصوف
http://www.sherv.net/cm/emo/sad/sad-face.gif
احس مب عارف حد في هالمكان
حتى مب عارفني .. شكلي غير في السبلة اليديدة .. شوي راد لوني على الرصاصي ..
اقتباس:
http://www.sherv.net/cm/emoticons/by...y-emoticon.png
يا مرحبا
ترحيبة قوية من قوتها توصل الى لاب توبكم وتخربه عليكم !
(محد يبالك ترحيب يوم هذه شغلتك)
http://www.sherv.net/cm/emoticons/ye...y-emoticon.gifفي امان الله يا شي غريب (الاولية)
http://www.sherv.net/cm/emoticons/bu...y-emoticon.pngالله يجازي من يسوي سواتك ..!
shadow
~
واحد من الناس
عايش مع الناس
قلبي على غيري
وهمي اسعد الناس
بغير الله ما اعلق امل واطلب نجاح
وارض الله بسافر بها وافرد جناح
قلوب الناس تتبسم اذا هبت رياح
اواسي ناس واسعى في قضى حاجات ناس
واراقب خالقي وادعيه في نعمة وباس
انا في الناس واحد
عاش عمره مثل ناس
http://www.girls-top.net/vb/img/girl...276248_675.jpg
"وقت الشاي"
وقت بوح الخواطر !
طلعت من الدوام اليوم العصر .. ورحت المستشفى اشوف حجز الوالد عشان العملية ..
دخلت جناح الترقيد .. بأمانة حسيت فؤادي مقبوض .. وانا اشوف الاسرة .. والهدوء الغريب في الجناح ..
هدوء يمكن لان المرضى تحت التخدير كونه جناح للعمليات ..
طلعت وانا امشي للسيارة كانت الدمعة في عيني .. حسيت ان راسي بينفجر ..
الموضوع اكبر عني من اني اتخذ فيه قرار .. .
فيني خوف .. خصوصا وان اخواني اكبر عني وما اشوف لهم طاري ..
فيني حرص .. خصوصا وان الوالد يعاني ومحتاج للعملية ..
ما اعرف شو اسوي ....
تخيلت الغالي في ذاك المكان ... واقول كيف بييبه في هذا المكان ... مستشفياتنا خاصة ولا حكومة ومستواها المتدني .. ...
" يا رب اكتب له الخير حيث كان "
وهذا راعي الصيدلية عطاني حبوب ما مثل كل مرة , اشوف الاسم شوي غير وحتى التركيبة شكله ما نفس الدواء..
http://www.sherv.net/cm/emoticons/bu...y-emoticon.png ماشي صيدلية في السبلة اليدية اقرب لي ..؟!!!
\
والحين مخلص تحضير عرضي حق باجر
مستوي مدرس هالفترة http://www.sherv.net/cm/emoticons/co...d-emoticon.gif
الله يسامحه بس الي في بالي
لا حول ولا قوة الا بالله
الله يجازيه هالدختورنعم ..
لا حول ولا قوة الا بالله
http://www.sherv.net/cm/emoticons/ye...y-emoticon.png
http://www.sherv.net/cm/emoticons/ye...y-emoticon.png
http://www.sherv.net/cm/emoticons/bl...y-emoticon.png
قال ان فيني اعراض مرض وراثي
وعطاني اسمه وقالي ادور عنه ..
استغربت ..http://www.sherv.net/cm/emoticons/ye...y-emoticon.png
اليوم دق في بالي اقرا عنه
http://www.sherv.net/cm/emo/happy/pl...y-emoticon.jpg
http://www.sherv.net/cm/emoticons/sh...y-emoticon.gif
most people with it didn't live past 40
انا ما فاهم .. ما فاهم ..http://www.sherv.net/cm/emoticons/co...y-emoticon.gif
الله يغربله ... وانا ما حطيت الموضوع في بالي ..
والسبب ان فيني صمام القلب ... وشافني طويل http://www.sherv.net/cm/emoticons/bu...y-emoticon.png
استغفر الله بس ... اشوفني طبيعي محد عاب طولي ...http://www.sherv.net/cm/emoticons/bu...y-emoticon.png
عيل شي دختور يقول حق مريض روح ابحث عن الموضوع في النت من دون فحص ولا يحزنون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما شي حل :
- اما اني ايلس اكتب وصيتي
- او اني اروح حق هالدختور وازغده بسماعته واسحبه لين اوصله الادارة :mad:
قبل ما اسجل خروجي ودي اقول كلام دايما اردده :
( اليوم عليها .. وباجر تحتها )
الموت حق ... الواحد ما يعلم متى ساعته ..
يمكن في هذه اللحظة .. ويمكن بعد مية سنة ..
الله وحده العليم .. والحمدلله رب العالمين على كل النعم ..
-----------
بس نعم فيني غم
ماشي غير اني اني اروح حق هالدختور وازغده بسماعته واسحبه لين اوصله الادارة :mad:
ما رقدت ... يالس احضر حق باجر ... في العادة اخلص اموري الحياتية س 11 او 12
وارقد ..
لكن مع هالتحضير اشوفني هالفترة قمت اسهر ..
امس ما حضرت لهم واليوم الصبح على السريع خطفت عليه ..وغلطت في امور خخخخخخخ ..
ما عرفت احول الكيلومتر الى ميل ... مشكلني والله ..
خلوني رئيس جروب >> ما اتذكر اذا طريت الموضوع في الارشيف ولا لا ..
وانا الحين اعلمهم كل الي عندي من مخزون من المعلومات .. ف كل ما اطري لهم شي ...
اقول لهم " لو كان شادو مب موجود ..هذا عندكم .."http://www.sherv.net/cm/emoticons/br...y-emoticon.png
أحيانا من كثر ضغوطات الحياة ..
ودك تقفز في غبة ماي راد لونها على الاخضر من عمقها ..
جربوها .. بس حطوا شي على بطنكم من الصدمة ..
http://im79.gulfup.com/Oxb6m7.jpg
ما على بالي الصورة بتطلع بهالكبر
زين انها مب واضحة ..الماي غطى على كل ذاك الطول .. :cool:
صبحكم الله بالخير http://www.sherv.net/cm/emoticons/sl...epy-smiley.gif
من س 9 وانا راقد ... عاد ناش الحين ..قلت اشرب لي جلاس شاهي ..
شو يعني هالكلمة المتداولة
سلفي
نعم اني اسمعها مب عارف شو معناها
بس كنت اخمن المعنى من سياق الجملة [ذكي بالفطرة http://www.sherv.net/cm/emo/word/smi...e-emoticon.gif]
الحين لقيتها selfie
مشتقة من self
يعني "صورة ذاتية"
http://www.sherv.net/cm/emoticons/ne...y-emoticon.gif
خذ الله ابليسكم يا عرب
ع بالي مخترعين شي
http://www.sherv.net/cm/emoticons/sl...miley-face.gif
تصبحون على طاعة الرحمن
لحظة لحظة :
اقتباس:
المشاركة الأصلية كتبت بواسطة devil_eyes
http://www.sherv.net/cm/emo/happy/bi...y-emoticon.jpg املئ الفراغ يا ديفل عيون
بالسلامة ان شاء الله
سحقاً...عندي ورشة عمل هذا الاسبوع ..http://www.sherv.net/cm/emoticons/co...y-emoticon.gif
تصميمي اهداء لكم:
http://store2.up-00.com/Sep12/wxq21617.gif
من تصاميمي المتعلقة بقصة (ودي أكون أي شخص ثاني)
الي راحت مع تعديلات السبلة الجديمة , يعني حتى في الارشيف ما اتوقع موجودة,
http://www.m5zn.com/uploads2/2012/3/...sowiuw1u6x.jpg
هذا كان للجزء 13
http://up.2sw2r.com/upfiles/ZW131961.jpg
http://www.s-oman.net/avb/attachment...1&d=1291226679
http://www.m5zn.com/uploads2/2012/3/...qa2ef03a66.jpg
http://store1.up-00.com/Dec11/whd36305.jpg
http://www.m5zn.com/uploads2/2012/3/...0nt94y1tfb.jpg
http://www.sherv.net/cm/emoticons/nervous/castaway.gif
فاصل ونواصل /
فلاش في حب القائد
http://download.mrkzy.com/e/2511_md_13169938876.swf
الله يطول بعمرك سيدي قابوس
واسأل الله ان يلبسك ثوب الصحة والعافية
شكــــــــــــــــــــــــرا لكم
http://im60.gulfup.com/PChZjv.gif
اللهم إنه في ذمتك وحبل جوارك، فَقِهِ من فتنة القبر وعذاب النار، وأنت أهل الوفاء والحق، اللهم اغفر له وارحمه، فإنك أنت الغفور الرحيم
*
راحت ذيج الابتسامة , ما عاد نشوفها في الدوام !
[كل منا له مساعي]
امس كنت في الحيل وخطفت على سوبر ماركت يديد اتوقع اسمه دان (بالمناسبة سمعت انه يفتح 24 ساعة للي يريد يروح له )
المهم وانا انزل من السيارة ولا حرمة كبيرة شوي في السن تسألني عن محل في الحيل , قلت لها ما اعرفه http://www.sherv.net/cm/emoticons/co...y-emoticon.gif
وبعدها ردت تسألني عن محل في روي , قلت لها ما اعرفه http://www.sherv.net/cm/emoticons/co...y-emoticon.gif
ردت علي ليش انت ما من هنا ؟؟... رديت عليها .. http://www.sherv.net/cm/emoticons/co...y-emoticon.gif
روحت عنها وهي تتكلم / انت وجهك وجه خير , جايتنك بشارة قريب ,
شفت عليها وقلت / العلم عند رب العالمين , http://www.sherv.net/cm/emoticons/ye...y-emoticon.png
وشردت في الماركت ..
هيه مب عمانية من شكلها, جنها مصرية,
وشكلها باغية فلوس , بس انا ما فهمت سالفة البشارة,
المهم وانا اشتري وواقف عند الرف يلست اقرأ الاذكار http://www.sherv.net/cm/emo/word/how...y-emoticon.gif
ومسعاي كان اشتري عصير برتغال ومعجون ..
ياااخي .. ما اييكم موقف وتحسون انه مر عليكم من قبل ,, ؟.!
هالفترة مر علي موقف ..
سألت ربيعي ياخي احس ان هالموقف جني شايفنه من قبل .. جنه مار علي ..
ما يصير لك جذا ؟
شاف علي http://www.sherv.net/cm/emoticons/br...y-emoticon.png تو ايش تقول ؟!!
حاولت اشرح له ,, وقالي : لا ما ياني طول حياتي ..
المهم حسسني اني شي غريب http://www.sherv.net/cm/emoticons/co...d-emoticon.gif
http://www.girls-top.net/vb/img/girl...276248_675.jpg
"وقت الشاي"
وقت بوح الخواطر !
[ودي أكون أي شخص ثاني]
حلقة مفقودة بعنوان (حمـــــــــد)
هالاحداث كانت صايرة بعد ما قام منصور من غيبوبته،، يناير سنة 2009م
،،،
بعد العملية وبعد ما رد هو وابوه دبي .....
بالنسبة لمنصور فهو كان بخير بس ما كان يقدر يتحرك وايد...واكثر شي كان يالس في حجرته...
أما ابوه داوم بالمرة بعد يوم من رجعتهم....لانهم فالدوام كانوا محتايين له عشان قضية ويلس
يشتغل عليها ليل ونهار..على اساس منصبه الي شاغلنه...
بعد اربعة ايام من وصولهم بالسلامة:
وفي بيت حمد
وبالتحديد في ميالس الريايل
منصور كان يالس وجماعة مب غريبة عليكم ،،كانت وياه،،
خالد يضحك ويعايب:... اقوله تندل ؟.. يقول هيه اندل ما عليك مني...
سامي يضحك: ... خخخخ ... ونحنو ربنا كما خلقتنا ما عارفين هين من الديار كنا..
بدر يشوف عليهم:..ما منكم ....يا الظلام عاد غلطت في لفة جلبتوها علي...آه منكم بس....
فهد عليه ابتسامه خفيفة:... ما عليك بدور ...طبهم طبهم ... هذا حاسد [يأشر على سامي]..
وهذا اول مرة يسوق سيارة في دبي ههههههه (يقصد خالد)
سامي ضحك....وخالد رد بظهره على الكرسي وشاف على فهد وجنه منحرج...
منصور كان يضحك عليهم ..و شوي سأل خالد:..خلود هاه كيف النتايج ؟؟
خالد تحمحم:....اح احمم.....اسكت الا الاسبوع الماضي مخلصين.....الله يستر بس..
بدر:...يالله .....سترك يارب .....الاسبوع الياي بيطلعن.....
فهد يحك اذنه:..لا تطرون النتايج ... الله يخليكم ...
سامي يهز راسه:.. اكيد كل واحد منكم جايبنها السبانة ...(f =رسوب)
فهد يشوف على سامي:.....ليش انت ما بتيبها ؟؟؟؟....
خالد يضحك:....يقولك سامي ما ينقص عن الاي ... واذا نقص تشوفه متضايج جنه راسب...خخخخخخ
سامي يشوف على خالد:...خخخخخخخخ ياخي انت دوم تسبقني في الشواحة....خخخخ
منصور جان يضحك يوم شاف على اشكالهم وكيف متروعين من النتايج...وجي بعد السوالف
واليمعة الي طيبت عن خاطر منصور....كلها ساعة زمان واستأذنوا الربع يريدون يروحون...
وهم يمشون صوب الباب يبون يطلعون حق سيايرهم ..
خالد كان واقف حذا منصور...جان يطلع من مخبا كندورته مفتــــــاح....وحطه في يد منصور ...
منصور تفاجأ:...شو هذا...!!! ؟؟
خالد وعليه ابتسامة:...هذا مفتاح البيمو .... (قصده البي ام - سيارة منصور)
منصور شاف على خالد:....خلها عندك خالد .... نحن اخوان ما بينا شي....
خالد هز راسه بالنفي:...مشكور يالغالي ما قصرت ....
منصور يحاول يردها:....انزين اعتبرها هدية مني لك ...
خالد عليه ابتسامة وكان رافض....حتى لو هدية ما قدر ياخذها ... وعاد منصور يعرف خالد زين
وماقدر يضغط عليه جدام ربعه.............. لحظتها منصور كان يشوف في عيون خالد ......
ورد يشوف على مفتاح السيارة في يدينه.......وتذكر حاله كيف كان....السيارة .. الجامعة.....
سعيد...مرض قلبه ... وسكر عيونه بعمق لثانية وحدة ...وفتحهن ....
خالد حط ايده على جتف منصور:....اهتم بعمرك ... تسمعني ؟....
بدر دش عرض:... البيمو بعد ؟؟؟؟؟.....
سامي يكلم بدر:... لا تنسى بيمو دبليو بعد ....!!!
بدر: .. فديت المكسيمو مالتي ...
سامي:.. وفديت الكوزة مالتي الي تاركنها في البيت ..
بدر شاف على سامي من تسمية سامي الخطيرة .. وسامي يشوف على بدر بابتسامة ..
خالد من وراهم ضربهم على جتوفهم:...تحركوا اشوف ..... يالله .... شو دراكم انتو بالبيمو...
فهد قام يضحك .... ومنصور ضحك بعد ... ..
بعدها .... قاموا وسلموا على منصور عشان بيروحون..... واستأذنوا عنه .... وركبوا
سيارة بدر الماكسيما هم الاربعة ... وطلعوا من بيت منصور .............
............ الى البريمي ...... (ناصر ومحمد ما كانوا وياهم لان كانت عندهم ظروفهم الخاصة)
ومنصور كان واقف يشوف على ربعه الين ما طلعوا من البوابة الرئيسية وعليه ابتسامة.....
وجان ينزل الين سيارته البي ام.....وجون كان واقف حذاه....
منصور يشوف على السيارة:...مغسلنها بعد ؟؟.!!.... مسكين خلود ...
جون يشوف على منصور وعليه ابتسامة...لان منصور كان بخير ومستانس بزيارة ربعه...
منصور يناول جون مفتاح السيارة:...خذ ....حطها ويا ربعها ......ودير بالك عليها.....هذي البيمو....!
جون وعليه علامات استفهام:...بيمو ؟!
منصور وبدون ما يتكلم كانت عليه نظرة وابتسامة تكفي بأن تقول ان هذا دلع للسيارة...!!
وشوي ومنصور بوقفته جان يشوف ابوه داخل بسيارته من البوابة الرئيسية.....وكلها ثواني
ووصل حمد الين دوار النافورة...وين كان منصور واقف .....
حمد وهو ينزل من السيارة ولابس نطارة شمسية:.....هاه....اشوفك واقف برع ؟....
حمد انتبه لسيارة منصور:...اووووه... سيارتك ؟..... وين ربعك؟؟.... راحوا ؟؟
منصور:...هيه راحوا.....ما خبرتني انك ياي ولا بخليهم يأخرون ...
حمد وهو يشوف على البي ام:....طلعت يا ولدي بصعوبة ... وايد شغل .... عاد قلت
بلحق عليهم....ما تحسبتهم بيروحون بهالسرعة.....
منصور يشوف على السيارة:... يابها خلود ... شو اسوي به ...
حمد يشوف على منصور:...اهااا .. اسميه ولد نشامى .. وبعدين انت
ليش واقف برع ؟؟؟؟؟ يالله اشوف جدامي داخل .......وانت جون شل السيارة.....
منصور ابتسم:.....بدخل بروحي مب رايم اوقف.............
حمد تقرب من منصور وحركه وهو محطي يده على ظهر منصور:.. شو تعبان ؟....
منصور يشوف على ابوه:.....لا الحمدلله... بس بعده ماشي حيل.....
حمد يشل النظارة عن عيونه:...بعدك يا ولدي...الي ياك مب شوية..............تعال...
ودخلوا البيت...
البيت الي بدت الحياة تدب فيه ...
ويوم ورا يوم ومنصور بدت عافيته ترد له ...
والبيت يتنفس الفرح اكثر واكثر...
لكن !
احياناً وانت تحس انك بديت تمشي صح...وكل شي صار في مكانه الصحيح....
تبدأ حياتك تنهار فجأة وتتعثر مرة ثانية....
ويصير شي انت ابداً مب متوقعنه...ولا حاسب حسابه ...
سبحان الله ..
يتبع
مر اسبوعين من بعد وصولهم - الجمعة الساعة 10 بالليل:
منصور يطلع من حجرته وهو يعدل غترته بشكل سريع وكان يمشي على قد ما يقدر..
ويطلع وراه هلال ولد عمه:...منصوووور ...!!!
منصور ولا جنه يسمع شي ويزقر على جون:....قرب السيارة بسرعة...
وجون بدون نقاش قام يريد يطلع عشان يقرب السيارة...
هلال الثاني زقر على جون:...لا...جون....صبر...
منصور رد يصد على هلال ومتضايج:...هلال ..انت شووو فيك ؟ خوووز عني !!!
هلال مسك منصور من يده:...ما صدجناك تعيش...لا تروووح ابوك موصنا عليك....
منصور صد وسحب يده...ومشى....وجون كان متردد بس لانه يعرف منصور وعناده طلع يقرب السيارة...
وهلال وقف شوي وهو يشوف على منصور:...لا اله الا الله...!!!
وطلع منصور ويا جون بسيارتهم.....وهلال لحقهم بسيارته....
يا ترا على وين ؟؟؟
في السيارة عند منصور/
منصور بالانجليزي:...بسرعة ....
جون بدون ما يرد...كان يسوق وزاد على سرعة العداد...
منصور صد على برع وخانقتنه العبرة....عيونه التعبانة شالة حزن وخوف في نفس الوقت....
ويا ترا كل هذا حق شو ؟؟
{لما تظن انك حبيب
وانك من الفرحة قريب
لكن يجيك سهم ويصيب
قلبك وتحيا به غريب}
بعد نص ساعة او اقل بشوي/
وعند المستشفى التخصصي الخاص/
وبالتحديد قسم الحوادث/
دخل منصور..وجون يمشي حذاه...وهلال يدليه على الدرب...
دخل القسم ولا يشوف العالم متولفين...."ضاحي" وعياله...وناس وايدين ما يعرفهم...
واول ما دخل منصور الكل يلس يشوف عليه....
منصور سلم رغم الي ف داخله: ..... السلام عليكم,,,
عاد الموجودين باستغراب ردوا السلام ,,,
معقولة هذا هو ولد حمد الكتبي ؟؟ الي الناس تسمع عنه بس ما شافته ؟؟؟
{في كل مكان وفي كل زمان
بين الهدوء تلقى الرياح
بعض الصدور فيها الحنان
وبعض الصدور فيها الجراح}
منصور وقف عند عمه ضاحي....وقبل ما يتكلم ...
ضاحي شاف على منصور ومنصدم بدخلته عليهم:.. منصور !!!
منصور يلتفت يمين ويسار...وعيونه حمر...وويه متعرق:....عمي !!! وووينه ؟؟؟؟
الكل يلس يشوف على منصور...ودهم يقربون يسلمون عليه..لكنهم كانوا مترددين..
ضاحي زخ منصور من يده:...تعال يا ولدي....(وهو يشوف في عيونه)...
منصور مسبه مب عارف شي... خايف...قلبه مقبوض....يمشي جنه جثة بلا روح:...وووووينه ؟؟؟؟
.....اريد اشوووووفه ...
ضاحي سكت شوي وبعدين تكلم:....فــ...في....العمليات يا ولدي....
منصور ودارت به الدنيا...حس بضيج وصعد نفسه ... كان مب عارف شو يسوي ولا شو يقول...
ضاحي ومضايج هو الثاني:...ان شاء الله بيكون بخير يا ولدي...
منصور بخنقة:...مــــ...من متى ؟؟؟؟؟؟....
ضاحي يهدي منصور:....جنه كمل ساعة.....
منصور متضايج:.. وليش ما تخبروووني ؟؟؟....... اكيد ..اكيد متعور وايد ......
منصور قام يتلفت وعيونه تدور يمين يسار ....
ضاحي حاول يهدي منصور:....تعال .. تعال يا ولدي ..
ساعتها ضاحي وهلال خذوا منصور الطابق الرابع وين غرفة العمليات كانت....
والريايل بعدهم بوقفتهم من بعيد كانوا يشوفون على منصور....الموقف وعلامات
الصدمة على ويه منصور ما سمحت لهم يتقربون..
وجدام غرفة العمليات:
منصور مسك راسه ويشوف على هلال وعمه:...الحين انت تقول بخير ؟؟؟...
كيف بخير وهو في العمليات ؟؟...
هلال يهدي منصور:....منصور ؟؟.. يا ريال استهدي بربك...ان شاء الله بيكون بخير...
منصور علا صوته:....شووو بخير وهو في العمليات...تقص علي انته ؟؟....
هلال وبصوت خفيف:....ان شاء الله ما بيكون عنده غير هالنزيف.....
منصور شاف على هلال .....
هلال رد وقال:...منصووور الله يخليك لا تسوي بعمرك جذا....والله حتى الناس
الي مطلعينه من السيارة قالوا انه كان يوصي عليك...... الين ما وصلوه المستشفى...!!
منصور ودموعه في عيونه:......في السيارة ؟..... ويوم شفتوه في المستشفى ؟؟؟... كيف شفتوه ؟؟
هلال سكت..وقال:...انا ما لحقت عليه ...
منصور يشوف على ضاحي....وضاحي مشى ووصل عند منصور وكلمه بشوي شوي: ....ولدي
انا يوم لحقت عليه في المستشفى ...
ذياب دخل عليهم وجاطع ابوه:...كان مغمى عليه ... وبدون وعي ...
منصور وضاحي وهلال شافوا على ذياب...
ذياب يكمل وويه كان متغير لدرجة كبيرة:.....الضربة ياته في الراس شو تريد له بعد....
[سكت ياخذ نفس وكمل]...كان... كان ..متسبح من الدم.. ..
منصور شاف عليه بنظرة كلها حزن..جان يسكت ويلس على الكرسي بدون مايتكلم...
كان يشوف على باب غرفـــة العمليات....وينتظر خبر عن ابـــوه "حمــد"...
الي سوا حادث بعد صلاة العشاء يوم كان طالع من الدوام...
مر الوقت ...
ومرت الساعات....
ساعة ورا ساعة ... جنها الدهر بالنسبة لمنصور .....
ويا الفري (الفرج)...بعد ساعات طويلة ...
وطلع الدكتور من غرفة العمليات وتلقوا له منصور وضاحي ...
منصور وهو يشوف على الباب وهو يتسكر ..وجنه كان يريد يشوف ابوه..
ضاحي:....دكتور !!!.. طمنا ؟؟؟
الدكتور وعليه نظرة هادئة:...الحمدلله قدرنا نوقف النزيف... بس ..
ضاحي:.. بس شوووو دكتور ؟
الدكتور: بس ما اقدر اقولكم شي الين ما تمر عليه على الاقل 24 ساعة ..
منصور حس بطعنة في صدره ..
منصور :...شو تقصد دكتوووووور ؟؟
الدكتور:.. حالته شبه مستقرة وما بقدر اقولكم شي الين نشوف حالته استقرت بشكل كامل ....
وبعدين بنترياه الين ما ينتبه ....
ضاحي: .. دكتور كلامك ما يطمن ....
الدكتور:.. اطمن ان شاء الله خير .. بس انتو ادعوا له ....
ذياب وبدون تردد:... انزين بنسفره برع على اقرب طيارة ......
الدكتور رد على ذياب:.. مستحيل .. ما يستحمل سفر وهو توه طالع من عملية وفي هذه الحالة ....
ضاحي:.. لا حول ولا قوة الا بالله .... دكتور شو الاحتمالات ؟؟؟..
الدكتور حط ايده على ثمه . . سكت شوي .. وتكلم:.. مثل ما خبرتك يا ... شو اسمك ؟
ضاحي:.. انا ضاحي اخو حمد ..
الدكتور:.. الحمدلله يا ضاحي .. قدرنا نوقف النزيف والعلمية ناجحة الحمدلله...
وان شاء الله اذا انتبه بعد 24 ساعة بنقدر نطمن اكثر ان الدماغ وحواسه ما تأثرت ..
منصور يشوف على الدكتور....
ضاحي :...يالله.....
الدكتور يكمل:....وعنده كسر فالجتف (فالكتف) اليمين وكسر تحت (يأشر تحت الكوع من نفس اليد اليمين)..
ورضوض بسيطة وان شاء الله كله بيروح مع الوقت...بس اهم شي الراس الحين ...
منصور صد وبكى .... وذياب ضرب بأيده على يبهته ....وهلال مب عارف شو يقول ..
ضاحي كبس راسه :.. لا حول ولا قوة الا بالله .. .
منصور رد يسأل الدكتور ودموعه في عيونه:...اقدر اشوفه ؟؟؟؟
ضاحي:.. نريد نشوفه الله يخليك دكتور ..
الدكتور:..يمكن بعد ساعة بدخلكم....بس تشوفنه لحظات ..
ضاحي والحزن عليه:..ان شاء الله..
وبعد ساعة طلع لهم الدكتور....
الدكتور:..تعالوا من هني ...
مشى الدكتور وخذهم العناية وين كانوا مخلين حمد...
وعند سرير حمد ..
وقف منصور وكانت عيونه على ابوووه....تقرب من السرير...طبعا حمد كان بلا وعي...
ومب باين منه غير راسه الي كان ملفوف بالشاش... والشموخ والدم على ويهه ظاهرة....
والوايرات مركبة حقه من كل صوب....
منصور تم بوقفته وهو يشوف على ابوه...وبالمرة بانت عليه ملامح الحزن...
كان يشوف كيف صار حال ابوه في لحظة عين...
منصور بهدوء تكلم:....يالله...!!
ضاحي شاف على منصور:....يا ولدي...قول الحمدلله...وان شاء الله بإذن الواحد الاحد بينش ...
منصور سكت...وكبس راسه..
ضاحي يطيب خاطره:...الحمدلله يوم عاش ما نريد شي من هالدنيا.....قوي قلبك يا ولدي
الي صار صار..وهذا قدر مقدر عليه....
منصور رفع عيونه على ابوه..
ضاحي:....قول الحمدلله يا ولدي...
منصور وبصوت خفيف:...الحمدلله...!!
ونزلت دمعة منصور على خده......ورد كبس براسه ....
ذياب وكان مب قادر يستحمل يشوف عمه في ذيج الحالة وجان يطلع من العناية ..
وطلع من المسشتفى بكبره .. ولا حد عرف عنه وين سار ولا وين راح....
ولا حتى حد سأله... لانه كان متضايج عشان عمه بشكل كبير ...
:
:
انقضى من اليوم ساعات كانت بمثابة دهر على منصور...
ومنصور ما رقد رغم انه المفروض ما يسهر ولا يتعب نفسه لكنه تم الين طلع الصبح..
ضاحي كان يريد من منصور انه يروح البيت يرتاح ويوم يقوم ابوه بيتصلون به لكن عناد منصور
محد قدر يكسره..وكان مصر يبقى الين ينتبه ابوه...عاد ضاحي راح البيت ع الصبح وبقوا هلال
وجون عند منصور...بالرغم انه ما كان مسموح إلا لشخص واحد بس يدخل على حمد ...
والبقية كانوا واقفين برع العناية بس بعدهم كانوا وياه...
:
يتبع..
[قبل الظهر]
هلال عاد راح البيت قبلها بساعات....
ومنصور بعده يالس عند ابوه .. وحمد بعده ما كان يحس بالي حواليه ابدا ...
ومرت عليه تقريبا 11 ساعة من يوم مطلع من العمليات ...
منصور وهو يالس حذا ابوه حاول يكلمه:...ابوي ؟؟؟....
حمد وما تحرك ...
منصور رد يتكلم:..ابويه ؟؟ .. ؟؟
وبدون استجابة ...
منصور وفاقد الامل جان يكبس راسه وكفت ايدينه ...
وخذ نفس عميق...
منصور وهو مكبس...ولانه ما رقد طول الليل غفت عينه......ورقد على كرسيه ..
:
:
دقايق وكاان ف غفوته ..
وشوي حس ان حد واقف جنبه ...
منصور وهو يفتح عيونه وصد للشخص الي واقف ... وكان جون ...
منصور عدل يلسته ...
جون تكلم بالانجليزي : سيد منصور .. لازم ترد البيت ترتاح ... وتاخذ ادويتك ...
بردك بعد العصر ... ما اتوقع السيد حمد بينتبه لانه ما كمل الا 11 ساعة من يوم طالع من العمليات ...
منصور يرد عليه: ... بس يمكن ينش في اي لحظة ..
جون: اذا نش بيتصلون بنا وبردك في ساعتها ... وبعدين هو محتاي لك وانت بقوتك وصحتك ...
فالاحسن ترتاح شوي وترد له ..
منصور شاف على جون ورد شاف على ابوه ... بانت عليه ملامح وجنه يقول " ما باليد حيلة " ...
قام منصور من على الكرسي ... شاف على ابوه نظرة اخيرة... وصد على ينب وطلع من العناية وجون وراه ..
وراح البيت ...
الساعة 6:40 المغرب
منصور اول ما دخل حجرته حط راسه على سريره ...ومادرى الا وجون يوعيه:
جون بالانجليزي:...سيد منصور .. قوم لازم تآكل ...عشان تاخذ ادويتك...
منصور نش وهو يشيك على تيلفونه:...يالله...جني وايد رقدت ؟؟؟... ماشي خبر عن ابوي ؟؟؟..
جون:..قبل شوي متصل على المستشفى .. للأسف ما انتبه ...
منصور : احسن انش واسير عنده ....
جون يشوف على منصور وكان ماسك على صدره:...شي يعورك ؟؟
منصور... وكان بالفعل حاسس بألم في صدره...وبسخونة في جسمه..
جون ردد كلامه:...سيدي ؟؟...شكلك تعبان ...تريدني اتصل بالدكتور الخاص بك ؟؟
منصور وضغط على نفسه:...لا ما يحتاي... بيخوز ان شاء الله يمكن من التعب ...
ونش منصور سبح....وصلى...اكل شوي وبعدين خذ ادويته...وطلع طوالي على المستشفى ...
راح ويلس ويا ابوه 4 ساعات ... وحمد ما انتبه ..
وبعدها طلع منصور ويا جون ورد البيت.....
ورد والحزن يعصر فؤاده .....
ذيج الليلة كانت اول ليلة يرقد فيها منصور بروحه... وفي هذا البيت العود...
{سرمد الليل وضوى ليلي
واهجعوا ربعي حوالي
بت تسهرني غرابيلي
من وليف تـــايه بغيه}
يوم الاحد-الصبح الساعة 8:
دخل منصور العناية على ابوه ... ولقاه مثل ما هو ... شاف عليه بنظرة حزن ...
مسك منصور الكرسي ويلس ينب ابوه ... ومسك ايده ..
منصور يكلم ابوه بصوت خفيف:....ابويه ...؟!...
بس حمد ما انتبه لهمسات ولده ...
حط منصور يبهته على ايد ابوه ..
دقايق مرن ... والذكرى تلف بمنصور .. من اول لقاء جمعه بأبوه الين ذيج اللحظة ...
وفجأة حس بحركة خفيفة في اصابع حمد ...
منصور شل راسه بسرعة وشاف على ابوه :.. ابويه ؟......
حمد فتح عيونه شوي ..وشاف على منصور....
يات عيون حمد في عيون منصور وتأوه من الويع:...آه....
منصور حس ان ابوه انتبه:...ابويه ؟؟ تسمعني ؟؟
بس حمد رد سكر عيونه.....ورد فقد وعيه...
منصور يشوف على ابوه ... حس في لحظة انه كان قريب من ابوه...
حس عمره مخنوق ...لدرجة انه ما قام ينادي على الممرضين ولا الدكاترة..
حس عمره تعبان ومب قادر يتحمل يشوف ابوه على هذه الحالة اكثر ...
حس بدوار .... وعيونه تريد تغفى ...
حط راسه على ايد ابوه مرة ثانية ... وسكر عيونه ... وجان يغفى ... ..
.
. .
مرت نص ساعة على منصور وهو في ذيج الحالة ...
منصور وبين لحظات الغفوة..ولحظات احساسه بالي حواليه..
سمع صوت خفيف ومخنوق يقول:....منــــ.. .منــــصور...
منصور انتبه بسرعة ورفع راسه...وشاف ان ابوه فاتح عيونه على قد ما يقدر....
منصور ومن فرحته:....ابوووي !!!!!...
حمد رغم انه كان يتويع ..
منصور:...ابوي شو حاسس ؟؟؟
حمد هز راسه وما قادر يتكلم ...شفايفه اليابسات والمتورمات قدرت تطلع "منــ....ـصو ..ر" .....
هالكلمة خلت منصور يطير من الفرحة....وراح يخبر الدكتور...الي ياهم وعاين حمد....
والحمدلله طلع وضعه مستقر...وكل شي بيكون في اتم حال بعد ما ياخذ فترة علاجه ان شاء الله...
ولان حمد كان يتويع وايد.....قرر الدكتور يخدره بشكل كامل مرة ثانية ومنصور كان موافق.....
وبعد ما تخدر حمد مرة ثانية... قرر منصور انه يروح البيت يرتاح وياخذ ادويته..
الساعة 4:00 العصر
المستشفى:
لان حمد بعده فالعناية ولانه بعده تعبان ،، كانت الزيارة ممنوعة عنه الا لاقاربه من الدرجة الاولى...
وساعتها زاروه ضاحي ومنصور وذياب وهلال...وكان الكل فرحان لسلامة حمد .. ويلس منصور
عند ابوه لين بعد العشاء .. بالنسبة لحمد كانت كلماته قليله وآهاته اكثر .. اما بالنسبة لمنصور
كانت فرحته كبيرة ان ابوه انتبه وكل هذا في كفة ويوم سمع اسمه على لسان ابوه بكفة ثانية. ..
الاثنين الساعة 8 الصبح:
وفي بيت حمد:
غرفة منصور:
وجدام المراية منصور كان واقف يمشط شعره الي راد على اللون البني والي كان
واصل تحت اذنه بشوي...واقف وهو لابس فانيلته..حط المشط على الطاولة..
وسحب الفانيلة من جدام...كان وده يشوف مكان العملية...
وجاطعه حد كان يدق عليه الباب:
منصور صد على الباب وقال بصوت مسموع:..ثواني...!
وكان جون ..ووقف برع يتريا منصور..بدون ما يدخل..
منصور طلع كندورته العربية الي كانت بلون رصاصي ..ولبسها...وطلع غترته الرصاصية
وتغتر بها ...ضرب له جم بخة من العطر الي جدامه....وطلع..
وصلوا المستشفى ..وتم منصور عند ابوه قرابة الاربع ساعات...
حمد يكلم منصور:..ابوي منصور ..
منصور كان يالس على الكرسي:..شو هناك ابوي ؟؟
حمد:..روح البيت...
منصور:...بروح بعدين خلني شوي يالس عندك..انا مرتاح وياك ..
حمد مصر ان منصور يروح:..لا....روح..
منصور:...ابوي لا تحاتي انا بخير..
حمد وهو يتويع:...عمليتك بعدها ما صحت...روح يا ولدي..تعال ... بعدين .... العصر..
منصور ابتسم:...بنزل اشرب ماي وغصب عنك بيلس وياك ساعة زمان....وبعدين عااااد افكر..
حمد صد بويهه:...يالله ...معندك...
منصور قام من على الكرسي:...عاد العصر بيطلعونك في حجرة خاصة ان شاء الله .. بييب فراشي وبرقد عندك...
حمد ابتسم شوي...وما قال شي..
وطلع منصور يريد يشرب ماي...نزل الطابق الارضي...يدور على مكان يشتري منه....وشاف ثلاجة
فيها ماي وغازيات...تقرب منها وطلع دراهم...دخل درهمين وضغط على زر دبة ماي ...
.
.
نزلت دبة الماي...
.
.
منصور انحنى بجسمه عشان يطلع دبة الماي...
.
.
وفي نفس اللحظة مروا من وراه ريايل اثنين وكانوا يتكلمون بصوت مسموع...
..
.
واحد منهم يقول:...كان شارب وانقلبت به السيارة...
الثاني قال:...عيل واحد متمرس مثله كيف بتنقلب سيارته ؟؟ من الهوا ؟؟..
الاول:...يقولك بالمرة سكتوا على الموضوع ...الله اكبر عليهم...
.
.
{هذا تالي تقديرك
تجرحني بتقصيرك
ليت الجرح مو منك
ليت الجرح من غيرك}
منصور وقف زين...وهو يشوف على الريايل الي تكلموا وهم نفسهم الي كانوا واقفين عند عمه ضاحي ليلة حادث ابوه....
منصور رص بيده على دبة الماي وحس بطعون في قلبه.......
منصدم:....عن منو يتكلمون ؟؟...لا يكون يقصدون ابوي؟؟ .... وهذول يعرفون ابوي ولدرجة انهم يوه فالمستشفى ذيج الليلة...!!
فتح منصور غطاة الدبة...ويده بدت ترجف...لكنه مسك الدبة وشرب منها...ساعتها تذكر سعيد زوج امه..
يوم كان يشرب كوب الماي ويقلد السكران...
منصور ومشى يقول في خاطره:...الله ياخذك يا ابليس ... شو هالوسواس الي ياني ....
الريايل الاثنين ذيج الساعة شافوا منصور رايح صوب اللفت وراحوا وراه يبون يسلمون عليه
وهو مب منتبه ويفكر:...لا يكون هو الي يقصدونه ..؟؟... مستحيل ... بس كيف ..؟...
وجاطعوا تفكيره الريايل وسلموا عليه..وصد منصور على وراه مستغرب...
الاول سلم :..السلام عليكم
منصور رد: وعليكم السلام والرحمة....
سلم عليهم وخاشمهم..
الثاني يسأل:..انت ولد حمد ؟؟؟
منصور سكت شوي وهو يشوف عليهم:...هيه...منصور وياك !!
الاول:...السموحة منك يا ولدي ...والله ما عرفناك حتى الحين بعدنا ما كنا متأكدين الين ما قلنا نسلم ونسألك احسن...
الثاني ابتسم:...تستاهل سلامة ابوك...
منصور رد:...الله يسلمكم من الشر ان شاء الله...
الاول:...ما شاء الله عليك ...صدج انك ولد حمد...ما شاء الله عليك هيبة مثل ابوك..ما انساك وانت داخل علينا ذيج الليلة ....
منصور كان يكلم نفسه:..."هيبة ...!!!...اي هيبة اخاف انه هو السكران الي توكم ترمسون عنه"...
الثاني:..سبحان الله....هيه نعم...بالمرة حمد...
منصور ساكت وما تكلم...
الاول:...والله قدر ابوك كبير...قلوبنا ما خلتنا الين ما تطمنا عليه ذيج الليلة...
منصور يشوف عليهم:...هيه اذكر شايفنكم واقفين ويا عمي ضاحي.....يزاكم الله خير ما قصرتوا...
الثاني:...الحين ياين نسلم عليه..بس الاستقبال خبرونا انه بعده فالعناية...شخباره ؟؟ طمنا عليه ؟؟
منصور رد وهو يتلفت:....الحمدلله بخير...نش ويتكلم...بس تعرف عملية ..ومتعور في جسمه...
الاول:..لا أكيد يا ولدي...يباله وقت الين ما يخف...
الثاني:...الحمدلله يوم يات على جذا...ولا الي يشوف سيارته ما بيقول راعيها حي...
منصور وهو يلعب بالدبة بين يدينه:..الحمدلله رب العالمين...
الاول يشوف على منصور: الا ما عرفتوا كيف انقلب ؟؟... شو يااه ؟!!
منصور يبلع ريقه: .. القدر يا خوي ... سبحان الله ..
منصور وقف وياهم شوي....عَرفوا عن عمارهم وكانوا ضباط يشتغلون تحت امرة حمد
ومن ربعه المقربين واعمارهم باينة انهم في اواخر الاربعين...وبعدين ترخصوا عن منصور وطلعوا من المستشفى..
:
:
وطلع منصور باللفت وهو يضرب مليون فكرة في راسه...معقولة ابوه بعده يشرب ؟؟؟.. يعني بيكونون
عن منو يرمسون وهم ياين حق ابوه ؟؟... وسيارته منقلبه ؟؟
:
:
دخل منصور على ابوه..وويهه كان متغير..ويوم دخل حصل ابوه راقد...تقرب منه ووقف حذا السرير....
ويلس يتمعن في ويه ابوه...بس حمد ما انتبه وكان راقد بعمق..يمكن من الادوية الي كانوا يعطونه اياه..
{من غيرك يكون أهون
يمكن يوم ويهون
لكن ماني متخيل
انك في الظهر تطعن}
وفجأة،،صد منصور بويهه وطلع من عند ابوه،،ومن دون ما ينششه ويخبره،،
اتصل بجون وطلع وياه من المستشفى وراح على طول البيت،،وجون يسأله ومستغرب
لانه يشوفه متضايج وما يتكلم،،، لكن منصور ما عطاه أي اجابة،،
منصور كان متضايج،،ويفكر،،يريد حد يجاوبه ويطفي النار الي شبت في داخله،،
وقف جون بالسيارة عند الباب،،،وبالمرة نزل منصور،، دخل الصالة وطلع باللفت الي فالبيت للطابق الثاني،،
وين كانت غرفة حمد،،
دخلة منصور ما كان فيها خير،، دخل وهو يشوف على الغرفة،،
وشوي بدأ ينبش،،
منصور وبضيجة:...الحين بيطلع ....بيطلع اذا عندك شي...
منصور نبش فالادراج...وما حصل شي،،
راح صوب الكبت الي كان بروحه في غرفه منفصلة عن الغرفة الرئيسية،، وفتحه،،زحزح الملابس كلهن على ينب،،،
منصور وهو يتنفس بقوة:...الي عايش هالعيشة.......مستحيل مااااااااااااا يشرب....
وهو يدور فالكبت ... فتح سدة سدة وباب باب....وما حصل شي...
جون لحق منصور وانصدم به يالس ينبش في غرفة ابوه بهذي الصورة،،
جون وقف منصدم:...سيد منصور ؟؟...شو صاير ؟؟
منصور شاف على جون بحرقة وما جاوبه..
جون ولانه حاس بمسؤوليته تجاه منصور رد وكرر كلامه:...شو صاير ؟؟..ليش تسوي جي ؟؟
منصور وقف:...ليش اسووووي ؟؟ خلني انت ماااااااااااااالك خص..
جون:..انا مسؤوول عنك في غياب ابوك .. ارجوك خبرني شو فيك متضايج.؟؟..وليش يالس تنبش في الاغراض بهذي الصورة؟؟؟
منصور طلع من الغرفة:...خوووووز عني...
يتبع >>