اذا انحطيت في هذا الموقف فكيف يكون تصرفك
السلام عليكم اخواني واخواتي واسعد الله صباحكم بكل خير
ماهي ردة فعلكم اذا انحطيتو بهذا الموقف
تكون موظف / ة فمكان لخدمة المواطنين ويجيك بعض المواطنين ويطلبوا منك مساعدتهم وتسهيل امورهم (يعني تسوالهم واسطه ) وانت اصلا مابيدك شي تسواه غير الا مأمور فيه يعني ماتقدر تتعدا بعض الأمور صح فيه اشياء عادي اقدر اساعدهم فيها لكن فيه اشياء صعبه ولو خبرت المدير عنهم مايوافق انه يساعدهم الا على حسب القانون المتبع
لكن لما اقول لهؤلاء المواطنين اني ما اقدر اساعدهم مايصدقوني ويعصبو علي ويقولوا انتي تقدري ولا بس من هين تبي تسوي سويتي نعم ما اعرف ليش كذا تفكيرهم والغم بين فترة وفتره يجوني المكتب يسالوا عن موضوعهم وينازعوني رغم اني اقولهم ما اقدر وادلهم على الأشياء اللي يسوها عشان يتم موضوعهم لكنهم مايطيعو يسوا اللي اقوله يبو موضوعهم انا احله لهم خاصة ذي المواقف تجيني من قبل النساء الكبار نعم يوم يجو ابا اشرد من مكتبي مافيني اقابلهم تعبت من هين اقول ما اقدر وماشي فايده
