أنا أوّل شخص بالصحراء خذا الشوك وزرع أزهار
يسعد صباحكم / مساكم
هلا بالجميع ...
لقاء متجدد يجمعنا احبتي وأتمنى ماراق لي يروق لكم ...
يمـوت الحلـم قدامـي وأحـسّ إن السنيـن قصـار
ودمعي يشتهـي كمومـي وأقـول إن الفـرح باكـر
أنـا نجـم السهـر والله وليلـي يبـكـي الأشـعـار
تعـبـنـا نكتـب الغربـة حنـيـن (ن) فـاقـد مسـافـر
أحـسّ الحـزن يبكينـي وحيـــد أتعبنـي المـشـوار
وأحس الناي من صوتي قصيده وخانها الشاعـر
رضيت أكذب على نفسي وأقـول ( الـدار لأهل الـدار ) ..
ورضيت أعيش بــ الماضي وأنـا أكـره واقـع الحاضـر
ذبحنـي خوفـي المجهـول ودروبـي الطويلـه نـار
وذبحني البرد والمعطف مشـقـّــقّ .. والله الخابـر
أنــا أعـــذب حزن بالدنــيا مدام انه مناخـي إنهار
تعــبت اجــمع ملامــح وجه وسط الريح متناثر
كثير أضحك مع أصحابي وأنا مـن داخلـي منهـار
وكثير دموع مـا طاحـت عشـان ... عيونـي تكابـر
أنا أوّل شخص بالصحراء خذا الشوك وزرع أزهار
وأنا أول مـن عشـق حزنـه وعـاش بقلبـه الطاهـر
اخوكم / رايق البال
