حيّرتني من وين أبقراك وأكتبْك ؟
حيّرتني من وين أبقراك وأكتبْك ؟
حيّرتني من وين أبقراك وأكتبْك ؟ .. وشْلون أببدا فيك شعري وأقوله
ياجامع الضدّين لله ماغربْك .. عقْل الكبار وشيطنات الطفولة
طفولتك غنّت على ألحان مطربْك .. يوم المشاعر بالبياض إعزفوا له
من خفّ دمّك كن الأزهار تشربْك .. ولمّيت عطْر الكون كلّه بتوله
إليا ضحكْت الصبح يسكن بحاجبْك .. وبْرمشك تمدد بعرضه وطوله
كنّك ملاكٍ بين جملة أقاربْك .. وكل الصبايا في حضورك خجوله
إن جيت مقبل أحتفل قلب معجبْك .. وإن رحْت مقفي خذ به الهم جوله
بالله قلّي كيف الأيام تحجبْك .. وطلّة صباحك كيف تقدر تحوله
ياعلني ماشوف دمعك يعذبْك .. وياعلّني أموت ماشفت زوله
وياجعْل من يجرحْك يوم أو يعاتبْك .. يشوف من دهره جروحٍ تهوله
وياعل رحمٍ ضمّك بْيوم وأنجبْك .. يطوَل عمر راعيه والرب حوله
إيه إسكن بشاعر مشاعرْه ترغبْك .. وشعره ترى ماكل بنتٍ تطوله
أعجبتني ياهل ترى شعري أعجبك ؟ .. وإلا عن التعبير أخفق رسوله ؟!
