أنتشار العباءة الملونه...

السلام عليكم

اسعد الله اوقاتكم بكل خير

اخواني موضوعي هذا يتحدث عن واقع مرير نشاهده كثيراً فالفترة الماضية وبدا ينتشر انتشار سريع جداً

الاصل في العباءة الستر
فأذا كانت العبائه الملونة وذات الالوان غير الفاقعه وفضفاضه ساتره ولا تلفت الانظار وغير مزركشه فلا بأس بها عندي .

لان لاصل في الستر لم ينزل به لون في القران ولا في السنه

مع يقيني ان الاسود افضل الالوان للستر بالنسبة للمرأه كذلك ما دامت العباءه السوداء غير مخصره وتظهر المفاتن ومزركشه


بعض الدول الاسلامية المراة تلبس الجلباب الفضفاض لونه ابيض واحيانا رمادي .. فماشرط تكون سوداء

بعض العباءات سوداء تحصلها مخصرة للاخر فما ادري ايش الفرق

سؤالي : هل انت مع او ضد هذا النوع من العبايا ؟

وهل بنظرك التقليد الاعمى هوه السبب ؟

نصيحة او كلمة توجهوها لهذه الفئة

فالختام ممكن الموضوع لا يعجب البعض ولكنه حقيقه ويجب النقاش فيه

تحياتي للجميع
hamoood.om

امممم انا محب العبايات المخصره ونفس الشي مب العريضه وااااايد عاد
اهم شي انها ساتره وما تحدد الجسم
ومحب الالوان الفاتحه والفاقعه
احب الالوان الغامقه شوي

التقليد الاعمى سوا بلاوي كبيره نسأل الله السلامه

اسعدني مرورك وتجاوبك الراقي

ما أجمل الألوان في الحياه
إلا مع العباءه فلا يليق بها سوى السواد

مرتاح ويتصنع قلبي الراحة
متميز دومآ ومرورك الجميل اسعدني..

ما في نص شرعي بلون العباه المستخدمه اهم شي الستر
ولاكن نحنا تعودنا على العبايه السوداء لانه العباية السوداء لها هيبة واي عباه ملونه نحسها شاذه
في النهايه هاذي حريه شخصيه والغرض منها الستر

كل الشكر عالطرح
بارك الله فيك

هالموضه انتشرت بسرعه وخلاص خلصت دقتها
الحين العبايه سودا وقصيره ع جوتي سبورت

ماشي احلى من اللون الاسود والواسع
ما تكون مخصره ع الاخر ولا تكون واسعه وايد يعني وسط بحيث ما تظهر مفاتن المرأه وكذا

كل الشكر لك اخي ع الطرح

الحين اساسا محد يسوي مخصره ..نادر والحمد لله ..ولكن صارت العباه الحين الوان واشكال وفصوص وكرستال وقصيره ..المووضه هذي ..وع قيل امي الله يحفظها الموضه كلها حموضه ههه صادقه ..


عن نفسي احب العباه السودا فقط لا غيييير وساتره لا اخفيكم يمكن احط فيها حركه بسيطه ولكن م ذيك الي ملفته

نشكر صاحب الموضوع ع الطرح ^_^

شكرآ ع موروركم الطيب وتجاوبكم الاجمل...

العباءة اهم شي تكون ساترة وماتلفت النظر ...
تقدر تكون باللون الاسود لكن ملفتة

https://encrypted-tbn1.gstatic.com/i...sit_zEMLH9Z23w

نحن تعودنا على انه لو العبايا يكون اسود
ولان تغيرت الموضه وصارت بألوان مختلفه. وفيه الوان جميله وتماشي الموضه ارى لابأس في ذالك اما سالفة مخنصره ماله داعي

كل اللي قلته ماشاء الله عين الصواب وربي يديم علينا الستر ويثبتنا على صالح الأعمال جميعا،،،
لكن بو يغمك زياده العباه اللي تقصرها وتلبس جوتي سبورت وتكشف عن ساقيها ما خافت عقاب ربها؟ حرام والله نقلد كل شي نشوفه ونرمي بأنفسنا للتهلكه ،، وين رقابة الأهالي عنهم؟ كيف تتجرا المرأه المسلمة وتكشف عن ساقيها وتمشي ف الأسواق وغيره؟

لاحول ولاقوة الآ بالله العلي العظيم

في كثير عبايه ملونه ماعي ملفته
بس شخصيا احب الاسود ومستحيل اغيره
العبايه حلو تكون واسعه شوي اساسا اريح ^^

لحين موضة القصيرة اول يغسلو الممر وراهم من طولهن والحين قصار
الله يهدي الجميع ويستر علينا وعليهن

لُْوْنْ الْعَبَاه مَا يَحْدَد اذا هَـ الْبَنْتْ شِيْنَه اُو زِيْنَه ...
فِـ الْنِهَايْه لُكِلْ شَخَصْ عَقْليْتَه وإِدَارتَه فَـ لِبْسَ وَ تَبْقَىٰ حُرِّيْه شَخْصِّيَه والْغَرَضْ مِنْهَا ( الْسَتَرْ )
....

اقتباس:

---

المشاركة الأصلية كتبت بواسطة أم فارس وخواته

كل اللي قلته ماشاء الله عين الصواب وربي يديم علينا الستر ويثبتنا على صالح الأعمال جميعا،،،
لكن بو يغمك زياده العباه اللي تقصرها وتلبس جوتي سبورت وتكشف عن ساقيها ما خافت عقاب ربها؟ حرام والله نقلد كل شي نشوفه ونرمي بأنفسنا للتهلكه ،، وين رقابة الأهالي عنهم؟ كيف تتجرا المرأه المسلمة وتكشف عن ساقيها وتمشي ف الأسواق وغيره؟



لاحول ولاقوة الآ بالله العلي العظيم

---

روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه"
صدق رسول الله صلى الله عليه وسلم

كل الشكر لكم ع المرور الطيب