رمثة غلاك
تدلع علي !! وانا خفوقي يذوب بساع
يا لبيه انا .. كانه .. تدلاع رباني !!
ترى قلبي من الشوق يشكي على الاضلاع
ولو الشور شوره ..راح صوبك وخلاني..
مقامك حظورك طلتك نورها الشعاع
عيونك سكونك مستحاك اللي اغراني
كلامك عسل سلهامتك ( شاي بالنعناع )
تنهاتك كنها من القلب .. بلعاني !!
عذوبة حروفك .. بحتك .. صوتك النزاع
لعب بي .. وسوى من ( فلان ) واحد ٍ ثاني
احبك كثر ما ادري بإنك معي خداع
واودك كثر ما تغيب عني وتجفاني
احبك وانا ما بين هم .. وغلا .. واوجاع
تحديت نفسي والسنين اتحدااااااااااني
اعرفك عدل مهما تخفيت لي بقناع
وتعرف عدل انك الى جيت تلقاني!!!
تراك انت..! من ضيع غرامه إلى من ضاع
ولا تقول ما علمتك !! بكل ما آعاني
رياح الهجر يا صاحبي لاعبه فالقاع
ورمثة غلاك من الجفا سومها باني
غياباتك المتكرره .. مالها مقراع
تذكرني بليله !! وليلين تنسـاني !!
تخير ما بين ابحر معك .. يا طويت شراع
ترى اهون علي من القسى آعيش وحداني
