(((( علمني شـــــــــــــــــــــــــــلون ))))
قد شفت عمرك ( خطا ) يشفع لراعيّه ؟
علمني شلون .. لا جاني خطاك أزعل ؟
... و علمني شلون .. لا زاد الزعل فيّه
أقسى عليك .. و أصد و أترك و أرحل
ليه أنت بالذات من دون البشر ذيّه ؟
! إن جيت ابثقل عليك .. ألقى غلاك أثقل ؟
بي ( طفلة عناد ) جن جنونها بيّه
! و من يوم جنت بك أمست أكبر و أعقل
..ذوّبت فيني جبال من الأنانية
!! و علمتني كل ما زاد العطا .. / أخجل
لا تبخل بحب قلبك .. و ارخي شويّه
!.. يكفي حِلِمْنا بخيل .. و واقعه أبخل
ما جيت أعاتب و لا و(الله) هيَ النيّه
ضج بضميري سؤال .. و جيت به أسأل
قد شفت عمرك ( زعل ) يشفع لراعيّه ؟
علمني شلون .. يوم أزعل عليك .. أزعل ؟
