هب البراد وزانت النفسية
والجو روعة والمشاعر حية
والغيم غطى الديرة السحرية
وجادت لك الابيات يا مغنيها
،،،
غيم وسعة بال ومطر يالغالي
ولا طرى غيرك ابدا في بالي
قربك هنأي،،وشوفتك تحلى لي
ونفسي لاجل وصلك فدا غاليها
،،،
صب المحبة بأشرب من إدلالك
وخلي الكلام ومد لي فنجانك
أنا ما اروق الا لا صرت قبالك
لا يا بعد روحي ويت مداويها
،،،
فيك الجمال الطاغي المتباهي
يالذة السكر في كوب الشاي
ملامحك فتنة وزينك راهي
وأوصافك فخمة من يجاريها
....
وعيونك أليا سلهمت ذباحه
مرتاحة وما كنها مرتاحة
نظراتها سحرية ولماحه
الله يخليها لمن يرجيها
،،
لبيه يا الوجه الجميل الهادي
ما فك هوا نفسي وقربك زادي
حبك في وادي والبشر في وادي
وعروق قلبي جيتك تحييه
