البارحة ونيت ونات العليل
يوم الخلايق نايمة ماهي بسهر
الليل موحش وانا ما عندي خليل
اتجرع الوحده من الحنظل ثمر
لا من صدى يسري ولو حتى دليل
والهاجس اللي قد هقيته ما حضر
يا ذا العنا لو كنت تدور لك بديل
حد يعوضك الشقا دوني ف شهر
مليت من صحبتك ما ابغى معيل
لو كان قوت الحال نهجل به الفقر
ولفت لي كل البلاء ما انت جميل
وارديتني من سلم الفرحة قهر
اللي تداوربه السراب كأنه وسيل
في شدة المحنة تلاشي ما ظهر
ارقت لي جفن المنام ليل طويل
كأنه الشهور اللي في عده تنتظر
اللي تمناه الطفولة في الحصيل
ما ألومه شاف النكال بلا عذر
ليت الليالي تأتمن روح الوجيل
لين الدهر يمسح من الخاطر غدر
يا لليل بلغ من بقى عقبي عليل
لا فس جوس الزرع يتوخى الحذر
يعرف دواب ما تمل من الخبيل
اللي مرق فيه السقي وضاع الجذر
واسمح من العيدان ما تطعم ذليل
بات المرض ينخر محاجين الفكر
ولا تبذل عذولات من طب قليل
ما تنفع الدويات في صد الخطر
يا ليل قله في الأثر عندي مقيل
يوم الروابي في ريها يزهر شجر
حنا الروابي وكنا في الدنيا ظليل
وهذا جزاء الوافر بما أنه نظر
حيات يا الخاطر فلا تجسر تشيل
أنت وشلالك لو تواحيت ف عسر
ما بينهم زمط ولظى كسب العميل
ولو هم على وائد النوايا ك القبر
يا لليل بلغ من بقى عقبي عليل
من كل ضحكات البشر خذلك عبر
بعض التمسكن في خبايه العويل
والطيب حرفة من تقنها انتصر
يجنى عليك وغاية الراهي قتيل
يفرح بنار في فؤادك تستعر
ودموع عينه كأنك الغالي الخليل
والناس حوله تصّبر الغالي قدر
نسف القيم كأنه المطر يسقى مخيل
ولو تكترث بطران تبغاها جهر
لعب العواطف من فنونه بالمكيل
ولسع العقرب في كفوفه مشتهر
ما غير ربي الواحد الفرد الوكيل
اللي يعرف الحق وينه مستقر
وفوضت أمري مثلما قال الخليل
يوم تكالب كل من حوله غدر
