تكبرتي .. !
اسعد الله جميع اوقاتكم بكل خير اخواني واخواتي شعراء السبلة
لا يعرف الشاعر مكاناً او زماناً للشعر
وها انا اليوم في عملي بين زحمة اوراقي اخرج من ضوضاء العمل الى هدوء النفس
نصٌ سريع بلا مراجعه اتمنى ان ينال على رضاكم
"تكبرتي"
على ذاك القهر ابكي واذكر شهقتي والموت
واتذكر صدى صوتك يردد لي منو انتي ؟
رحلت ولا رحل مني انين بداخلي مكبوت
بقيت اكتب بإحساسي الى انتي الى كنتي
الى الذكرى الى الدمعة الى عقد من الياقوت
ع قلبي من الصغر موجود ويا الايام احسنتي
خنقني عقدي بكلمة وترى ادري الدوا منعوت
علاج الروح في قربه له الاقدام ساقتني
ادري ان القدر يسعى يدمر حبنا المرفوت
كذا اعرفها اقداري تحديت وتحدتني
كبرت وماكبر فيني سوى قلب قريب يموت
وكلما دمعتي طاحت يرد صوتك "تكبرتي"
وانا المكسورة مع نفسي غروري للبشر به صوت
كذا طبعي اذا احزن اردد لي تهورتي !
حرام عيوني الحلوه يلامسها الحزن ويفوت
وحرام احساسي المرهف يصارع دايماً صمتي
حرام اعيش بأوهامي وانا عمري بزهور التوت
ومهما هالسنين تمر يرد قلبي تساهلتي
سنين العمر في رحلة وقطار اشواقنا بيفوت
وكلما زادت اعوامي صرخ هالصوت "ولا لنتي؟؟"
شذى المحضار
