●• " ماعاد لك طاري بدنيا وجودي"• ●
●• " ماعاد لك طاري بدنيا وجودي"• ●
قالت زعلت وقلت أزعل على ويش
أعرف حدود الناس وأعرف حدودي
قالت ندمت وقلت ليش الندم ليش
ماندم على شيء أنتهى من وجودي
قالت كذا جازيت وصلي بتطنيش
فقلت لحظه وافهميها ردودي
مايجتمع عاقل مع جهل أو طيش
ولا كريم النفس يصحب جحودي
لا يا الوجيه اللي ترا الوضع تكفيش
ماني عميل المصلحه في صعودي
لا تكون هذي قصة اسما ودرويش
يوم(ن) محب ويوم هجر وصدودي
مات الفؤاد اللي عطاك الوفا كيش
اللي رسم دنياه بك الوعودي
وماتت بساتين الوله وانعم الريش
اللي بسطته لك وصافي ورودي
واليوم ماباقي معي غير تهميش
قولي عليا منت مسلم يهودي
خلاص كافي لاهنا يحرق الشيش
لان البياض اكبر من اللي تجودي
ماعاد به مني حواجز وتفتيش
رحب وهلي من تجيك الوفودي
وش لي على الغيره تبلشت تبليش
حره تعيشي وانزحي عن قيودي
وان كان أنا مشتاق روحي ومعليش
ماقول لك ردي ولا قول عودي
هذي حياتي كيف ما جات باعيش
وانتي بكيفك أمرحي يالعنودي
عيشي حياتك شوك ولا على ريش
وتمرجحي في وقفتك والقعودي
روحي فمان الله من دون تربيش
ماعاد لك طاري بدنيا وجودي
ممـآ نـآل اعجآبي
