يا ولد لا تشتكي هم الليالـــــي
كم محبٍ قد شكى فرقى خليلـه
مالت الدنيا على قروم الرجالـي
لين ساقتهم على سيوف صقيلـه
والذي مثلك ولو هو في القتالي
ما شكى من جور دنيانا الذليلـــــه
يشرب الأمرار كن المر حالـــــي
ويتصبر لى سمع من ينتخي لــــه
يا ولد صبرك على وقتٍ زوالـــي
لين يأتي من الحكم وقتٍ بديلـــــه
شف لنا في عالم ٍ حدر ومالــــــي
أعُدم الصدام والعالم تخيلــــــــــه
عقب دنيا العز وعلوم المعالــــــي
والرفاه وزهرة أيامٍ جميلــــــــــه
جت ظروفٍ حدته صوب الحبالي
في صور كنت أعتقدها مستحيله
بس على الله لو بكاك يرد غالــــي
ما عذلتك في دموعك للأصيلـــه
والصبر تخفيف لأحمال الثقالــــي
والنصايح خلها علمٍ ودليلـــــــــه
لا تعيق البدو لا شدو الرحالــــــي
وأرع ديرة بارقٍ عينك تخيلــــه
والهوى لى قد صفى والقلب سالي
فأغتنم صافيه وأشرب سلسبيلــه
