يوم الاثنين اغتنى
وصار بين الاغنياء ،،، ترتيبه الثالث
يوم الثلاثاء الفجر ،،،مات في حادث
فريق الكورة،،دائما ترتيبه قبل الاخير
واذا لعبوا واستبسلوا،،قبل الاخير
وبعد السنين المملحة
جاهم رئيس ثروته كنز التراب
عين مدير ،، عنده في الخبرة كثير
شال الكبار ولعب الشباب
وجاب المدرب اللي له اسم مهاب
واتقدموا،،وصلوا للدور النهائي
يوم النهائي،،،قبل المباراة بدقايق
في البلد حصل انقلاب؟!
مسكين
شين وفقير!
وفي الدراسة حاول انه يستمر ،، وما استطاع
وضعه صعب،،ابوه مات وهو صغير
ما ترك له الا الفقر،،،وامه واخته،،،والهم من فوقه وتحته
وما لقى لاجل الهروب من الضياع
الا انه يدور وظيفة ،، اي وظيفة
ولقى من ضيقته مخرج،،،وظيفة دخلها معقول
يمشي الحال ،، لو اعرج
ومرت سنة وسنين
والمسكين صارت كل اماله زواج
وتزاحمت في داخله الاسئلة
منهي اللي بتقبله؟
وليه؟
وفي يوم ما مثله ابدا
شافها ،،، اجمل من اجمل ماراى
وضحكت له
مستحيل
وضحكت له
ومشت من اول الحارة ولحقها
ودخلت في بيت جاره
وسال عنها وعرف
قنوعه واسمها سارة
تصير اخت لمرة جاره
ارسل لها اخته
تجس النبض
جت البشاير
راح لامه
وفرحته كبر السما والارض
وافقت
أبشرك يمه لقيتها يمه
سارة اخت حصه مرت منصور
ابيها وهي تبيني،،،وابغي منك النشور
خلاص يا يمه خلاص
باقول لهمومي الوداع
باقول لهمومي الوداع
قالت له امه!؟؟
ياولدي بس هذه اختك من الرضاعة!!؟؟
