· مرثية في خالي المرحوم عبيد الخربوشي رحمه الله
جرحي الدامي....
خفت نور القمر عني وأنا أمشي دروب الليل
واشوف بقصتي بعدك أعاني بين أقلامي
توالد بالألم غصة على روحي تهد الحيل
سرقها من الوقت مرة وذابت كل أحلامي
من عيونك عطش عيني وفاضت من هطول السيل
على كفوفي دموع الليل وتاهت بين ايامي
ياخالي ما قدر نفسي توارت في جحيم الويل
جرحني الموت غيبها واداوي جرحي الدامي
واجمع ذكريات الوقت عواها الذيب وناب الليل
تناست بالالم لحظه واشوف الامس خيامي
كأني في غياب الصبح أعد نجومها وسهيل
وغاب النور من شمس ضحاها خيم ظلامي
وانا سري يثير البوح ويكتمني صهيل الخيل
وأشوف الوقت مابين كأن السر كتامي
على راسي عذاب الليل وقدره لو أشيله شيل
وفي صدري دفنت الآه وتزيد اليوم آلامي
كلام الهرج خليته واداري دمعة المنديل
نسى في غيبته كلمة ..رضيت الموت و اعدامي
يا خالي مابقى فيني كلام القال بعد القيل
واشوفك و السماء شمس .. علا في قدرك السامي
يا راس في دروب النور وغيرك في حدود الذيل
كأنه في صدى صوتك ينادي سيف سطامي
رضينا من القدر حكمه قضا من عالم التنزيل
سألته في النوى لطفه يارب الكون يالحامي
وضاعت كفة الميزان بدا فيها عيوب الكيل
ومالت شوكة الاحزان واشوفك صدري الضامي
تنادي السيب غاليها يجاوبها صحم والديل
شراع في مهب الريح يجاري بحرها الطامي
بقلمي / ناصر الضامري
