عسى ما عكرت صفو البريمي رغبة التفيير
عسى مـــا عكـــرت صفو البريمــي رغبة التغيير
ـــــــــــــــــــــــــــ ولا ضاقت من صــــدور العبـــاد إلي سكنت فيهـا
...
ولا عانت سكوت بحجـة العاجــــز عـــن التعبيـــر
ـــــــــــــــــــــــــــ قبل لا يـــرتفع صــوت الدعــا : ربي يخليهــــا !
...
وأنا ما غير أسولف عن غلاها / لنْ غلاها..غير
ـــــــــــــــــــــــــــ وهي .. ما همهــا غيـــر الليالي كيف تقضيهـا ؟
...
تنام / وما قطع حلو الرقاد إلا " صباح الخير "
ـــــــــــــــــــــــــــ علــى كثــر الــرسايل م سْألت عــــن حال مغليها
...
ولا حســـت بواحد / خالف العــــــالم بخط السير
ـــــــــــــــــــــــــــ كثر ما يسأل : دروب السعادة .. وين ألاقيها ؟؟
...
لو أنها سوت لبعض الخلايا في دمــي تكبيــر
ـــــــــــــــــــــــــــ درت بأن الحنان اللــي وصلهــــا مــا يكفيهـا
...
ونبتة في الحشى ما عاد تقوى الري بالتقطيـر
ـــــــــــــــــــــــــــ يـ ليت إحساسهــا نهــرٍ يفيض ودوم يسقيهـا
...
وأنا أدري ما لحقني طول مدة وصلها تقصير
ـــــــــــــــــــــــــــ وهي تامر وتلقى اللي تبي في راحــة يديهــا
...
بعد ما ألزمت كل العصافير فـ هــواهـــا تطير
ـــــــــــــــــــــــــــ وبعد ما حست إني مستحيل فـ يوم أخليهـا ..
...
تناست ما عليها من حقوق ومبــــــدأ التوفير
ـــــــــــــــــــــــــــ يزّعل من تغاضى عن حقوقــه لجل يرضيهـــا
...
ترى لو حددت ما لا يصير ف وصلها ويصيــر
ـــــــــــــــــــــــــــ لقت حتــى ردون ثيابهـــــا قـــامت تـــــداريها
...
تغيب .. وما درت عن من غدى ميت من التفكير
ـــــــــــــــــــــــــــ مضى شهــــر/ ومشاعر قلبي الضامي تناديهـا
...
وكلما عـــانق الليل الهمـــوم .. ومــا بقى تبرير
ـــــــــــــــــــــــــــ عرفت إنهـــا بتدمـــح زلتـــي وتتـــرك تغليهــا
راقت لى واتمناها تروق لكم
http://www.buraimi.net/bu-pic/15.JPG
