°•. تضيع بداخلي بسمه ويظهر للشقا عنوان .•°
على كف القدر والحب ظامي والرجا حيران
على كف الزمن ضاعت سنيني مع لياليها
تضيع بداخلي بسمه ويظهر للشقا عنوان
وإذا بانت بوادرها عذاب الهجر يخفيها
وأحس إن الجفا يمشي بدمي داخل الشريان
يعذبني..يسهرني..ليالي مُر حاليها
عجزت ولابقابي حيل وأنفاس الوصل هجران
تعبت اسأل ليال الصمت جروحي كيف أواديها؟!
تجاوبني ليال الصمت وتحرق قلبي الهيمان
تقول:شموع أمالك حلفت إني لطفيها
مدام إنك على دربي أبعطيك العذاب الوان
وأزيد جراحك بصدرك ولا لك من يشافيها
ياليت أقوى ولو لحظه أسلي خاطري بنسيان
ألمّ جروحي وآهاتي من الدنيا وبلاويها
نخيتك ياأمل ضايع نخيتك تطوي الحرمان
نخيتك ترسم الفرحه على حزني وترضيها
وألا يالله يارازق عبادك يارفيع الشان
تفرح قلبي الملهوف قبل ماروح تنهيها
من روائع : فيصل العدواني
