"" من يتمتم للسهر عن ذكرياته ""
مدخل
ضايع ولا دل الفرح درب رجلـيّ
...................................... والجوع " ينهشني " من هناك لــ /هناك !
شاحب ! ولاجف الأملْ داخل إيديّ
......................................... تعبت ! من " ترتيب " وجهي بْـذكراك !
يارفيق العمر ، قلّي من أنا
.......................... لــيه فينا من ملامحنا تَشـــــــابه
وليه ظل أحلامنا ماهو لـنا
.......................... وليه شقق حظنا ، أول ثيـــــــابه
أنكسر ظهر المسافه وأنحنا
.......................... وجه دربٍ كان يغوينا ســـــرابه
صوتنا غيمٍ ليا منـه دَنـا
.......................... من مسامعهم ! تفرّق هالسحابه
هي ملامحنا ، ملامح للعنا
............................ أو ملامحنا ! تشابه للــــرحابه
الزهاب اللي بَـ أيادينا فـنا
.......................... والعزاء اللي لنا ! كان الكتابه .. !
من متى والصمتْ ياخذني لْـ ذاته
....................... من متى ماقلت للدمعات كــافي !
من أنا غير الصباح وأمنياته
..................... من أنا قبل ألتحف بالضيق قافي !
من قبل لا أعرف مدى البرْد وجهاته
........................ يازمنْ ما كان يدْفيني لْــحافي !
مايخاف اللي جرح بوحه لهاته
.................... لو يخاف اللي جرح صمته جفافي !
من يتمتم للسهرْ عن ذكرياته
....................... يسترد النور من عتمة ضفافي !
من رحل بالأمس عن باكر حياته
.................. ماسئل قلبه ( وش أسباب إنجرافي ) !!
خلف حلمٍ كانت بْـكفّي عصاته
........................ وأبتعد عني / قبل يلمح مطافي !!
مخرج
ميت وأعيشك ! داخل إشعوري الحيّ
......................................... لو كنت أنت المقفي ! بـ آخر إخطاك !
ماعاد أبغى من وداعك ! ولاشيّ
............................................... أنزع مواعـيـدك ! من أيام لـقـياك !
