كتبت الشعـر مو لجلك ولكن فاض بي بركـان
اما انتي ما تسويـن قصيـدة فـي نـظر عيـني
حلفـتي لي تصـونيـني اذا صـار الــزمن خــوان
واول ماعـثـر حـظـي على دربــك خذلـتينـي
كسر رمح الزمن صـدري وجيتك اشتكي حيران
نزعتي الرمح من صدري وبظهــري طعنـتيني
خسارة كيف حبيتك ؟! نعم ...والله أنا ندمــان
غبـي ادري نعم ادري .. مـادام انك سكنتيـني
ضاعت سنين من عمـري وانا في لعبتـك غـرقـان
اشـيل الشوك من دربك وجـرحي كان يدميـني
وكنت ابكي اذا تبكين واكون لبسـمتك فرحـــان
وكنـت اقـرب من رمـوشـك يـوم أنك تناديـني
عرفـتك للاسف صـحـرا وحولتـك الى بـستـان
وشلتيـني غصن اخـضر وفي صخرك زرعتيـنـي
حفرتك بداخلي .. ظنـي تصوني عشرتي ازمـان
وكنت احفر قبر مــوتي على ساحل شراينـي
على كف الشقا نامت جروحي والالم سهـران
يحطمـني .. يبعثرنـي .. وفي خيانتك يرميـني
ولكـن عزتـي تفـرض اكون بدنيتي سلطــان
وان كان ظنك اجي اركع لرجلك ... ماعرفتيني
انا ماعادتي اشحـت من امثالـك رضـا واحـسان
امـوت بعزتـي ارحـم ولا ذلـك يغـطـينــي
ومـادام الـوفا عـندك يدورلـه عـلـى عـنـوان
بدورلـي على قـلب(ن) يصون الـحب وسنيـني
ولو قـلبي ذكـر حبـك بــولـع فـيـه بـالـنـيـران
وبـكـسـرها انا رجـلـي اذا يــمـك تـوديـنـي
ولــو دار الزمن ضــدك وجـيتــي تـطـلبي الغفران
وجـبـتيلـي الــشمـس في كفك ..وعد ماراح تلقيني
تقول الناس في وصفك جميلة..مثل عود البان
وانك اجــمل واحــلى بـشر مخـلوق من طيني
وانـك غـالـيـة واثـمـن من الياقــوت والـمـرجـان
يقــوم الكــون مـن شانــك وتـقعـد لك بلاديـني
حسااافة .. غرهـم شكلـك , وياما تـخـدع الالوان
عموما .. بـقـت لي كلمة اخـيـرة واسمـعـيــني
اذا كـنـتـي بـنـظر غيـري مـلاك في شكل انسان
اقسم بالله ماتسوين قـصـيدة فـي نـظر عينـي
ولعـلـمـك ياحضرة الخيانة حـتـى اليوم أنا ندمان
لانك على محسوبـه و كنـتي جزء من سنيـني
