هنا نجلس أحسن أو هنا وين ماتبغيـن
أنا أحب هذا الركن لكن على أية حـال
هنا أحسن أرمي معطف الفرو للتخمين
وفيه تعرفين أن أنا أحب هـذا الشـال
علامك علامك ساكتـه ليـه ماتحكيـن
تبين أبتدي حاضرعلى امرك براحة بال
على نفس هذي الطاوله من ثلاث سنين
رمت بنت دبلتها الذهب وانكسر رجـال
تمسك بها وحاول وحاول وحاول ليـن
بلا لين كـان يحـاول بكفـة الأشكـال
وشدّت يديها وارتفع صوتها وبعديـن
أنا لازم أمشي وانت يكفيك لعب عيـال
على احر من قلب أنهدم حاول المسكين
وعلى آقل من مهل الندم باعدت تختال
هنا مات حب ويبس قلب وتملت عيـن
من الملح وإندفنت حكاية فرح وآمـال
وجيتي تبين نرجع اللي مضى الحيـن
أنا من ثلاث سنين بطلت لعـب عيـال
