يفيد الحزن أحيـاناً يمـد القلب بلياقـه
أجل وشـلون ما نتعـب ولا نصـبر ونكسبها
إذن بجـري بأحزاني وعمري ما بتر سـاقـه
همـموم القلب من عزمـي بنازلهـا وأغلـبـها
شحـنت القلب أنا بصبـري وردت للأمـل طـاقـه
أوصـل دائـرة فكـري بسـالـبها وموجبــها
يطـول الليـل لكن الصبـح ذابه بإشــراقـه
همـومي ملح بفكـاري أحـركـهـا وذوبـهـا
كثـير اللي بغـى يصعـد ولكن الحكي عاقـه
تمـوت أفكـار ما تبنى علـى الواقع تجـاربها
تبـي مـجـد( ن) بلا بذل( ن) ولا لك روح تـوّاقـه
سلام( ن) ما يجـي إلا إذا نفـسك تحـاربـهـا
ألا ياقلـبي المتعـب كفايـه أوهـام بـرّاقـه
نبـي الصـافي من الدنـيا وغـرتنا شـوايبـها
نحـل جسم المـحب اللـي كَلَـت من جسـمه أشـواقه
يظـن المـرتجي فوصـله بياكـلهـا ويشـربـها
يـطول البـعد والـرجوى سراب( ن) يـحصـد فـراقـه
أمـاني في بحـر يـاس( ن) متى تـرسي مـراكـبـها ؟!!
