مشكله لاصرت طيب وقالوا لك هبيل
مشكله لاصرت طيب وقالوا لك هبيل
وإنت طيب في التعامل وقلبك موسعه.
ومشكله لا صرت مظلوم وفي يدينك دليل ..
ويــتجاهلك حكم العداله وصوتك يسمعه.
ومشكله لا صرت ظالم وقالوا لك نبيل ..
واشهدوا لك بالشهامه و غشك تجمعه.
ومشكله لا صرت وافي ولك حظ قليل ..
مـــــا يــــــريحك غــــير دمع تحدره اربعه.
ومشكله لا صار حزنك تدورله بـــــديل ..
كــــيف تطفـــــى نار وسط الفؤاد مولعه.
ومشكله لا صرت مخلص ووافي للخليل ..
والـــــعزيز اللي تعزه شعورك يوجعـــــه.
ومشكله لا صرت عالي وفي الآخر عليل ..
والغرام اللي بقلبك لشوقــك تودعـــــه.
ومشكله لا صرت تعطي ولا تلقى جميل ..
من اوادم خانوا الطــــيب بأول مطلعـــه.
ومشكله لاصرت عاجز عن الحمل الثقيل ..
وفوق حملك داخل الجوف حزن يمزعه.
ومشكله لاصرت مبلي من الرب الجليل ..
حكمة الله لا بـــــغاها محدن يمنـــــــعه
