يالى على المفرق الغربي تمرونه
يالي على المفرق الغربي تمرونه
يا حظكم فيه يوم انكم تشوفونه
قولو له العمر يركض والزمن يجري
لايحسب الناس والدنيا على هونه
علمي به العام يوم ان جونا صافي
قبل يجي جونا ناسً يحوسونه
في هالسواليف مدري عن سوالفكم
فيني من الضيق شيً م تحسونه
يالي تعلق بواحدً م درى عنه
يا عزتي له وكان الله في عونه
يجيب طاريه متقصد ومتعمد
لعله يطيح في ناسً يعرفونه
والي يحبونه اهملهم وخلاهم
حتى خسرك وخسر ناسً يحبونه
وحيد والوحده اصعب شي ف هالدنيا
تكره الشخص في نفسه وفي كونه
لاصار مديون هم وفاقدنً غالي
بالله يا ناس كيف يسدد ديونه
دايم يقولون عقب الشينه الزينه
وانا تعبت انتظر شيً يقولونه
والله م ابي منه شي ان كانه مقفي
مغير ابدري عقب فرقاي وشلونه
ان كانه بخير قلت الله يسهله
مانيب قايل عساها تدمع عيونه
وان عاش من دوني الله يحفظه لكن
المشكله صدق كيف اعيش من دونه
تكفون يالي تجونه من يبشرني
عساه مازال رقمي في تلفونه
ابيه يذكرني ليا جيت في باله
اني تحديت كل الناس لعيونه “
دلت مشاعرك مافاحت ولاصبت
عط الملاهيث فنجالً يذوقونه
الحب م حرمه ربي ولا ذمه
مدري ورا الناس والعالم يذمونه
سويت لك شي لو تزهم به اخوانك
يبطون يبطون والله م يسوونه
من ما راق لى واتمناه يروق لكم
https://images.pexels.com/photos/715...gb&dpr=1&w=500
