كتابات المبدع ( عاشق البوادي) في الشعر

ثملني بـــــــــريقكـ وبرمشكـ الاكحــــــــل 12/9/2014

حبــــك يزلزلني وانا مـــــاني بـــمتحمل
تثــــــور فيني براكين الوله والشـــــــوق

زلزال حبك يخلي القلــــــــب متــــزلزل
حتى عـــــــروق القلب من غيها م تفوق

تبغي دفا روحــــــي آمـــــر ولك تحصل
لك هي غطا من البرد ومن الألم والعوق

لأنك عــــــديل الـــروح يا لمسة المخمل
ولا ترا غيــــــرك يآخذ غطا م الســـوق

انت الذي يحلى في خــــــــاطري ويكمل
وغيرك أبد ما بيه لو هو علي طــــروق

شعــــــــري تغنى بك لين الفـــــكر أثمل
ناجيته بصـــــــوتي من سكرتك لا تفوق

ثملني بريقك وبــــــرمشك الاكــــــــحل
خل الفـــــــؤاد يفز من داخل المعلـــوق

يا زينها رشفة مــــــن تــــــوتك الأمثل
تحيي يباس الفـــــــــكر وتحي المنطوق





جــــــــديدي ..... "" عاشـــــق البـــــــــوادي ""

العيــــد عاد ويا عسى دوم ينــعاد
متوشح(ن) ثوب الفرح والوناسه

العيـــــد عوّد والغــــلا دوم يزداد
انتوا ركـــــونه وقاعــدته وأساسه

يا ما حلاة العيـــــد والكل نشّـــاد
عن حـــال خلانه وربعه وناســـه

يتبادلون الـــورد مع نرجس وكاد
واحلى رحيق الود في عذب كاسه

العيــد يضفي للملا نشــــوة إسعاد
يوهج سما هالكون ويبدد غلاسـه

العيـــد عاد وجــدد الفـــرح ميعاد
جمّع قلوب الناس دون السياســه

العيــــد بسمة وانســـجام وتــودّاد
راحة نفوس (ن) اتعبتها التعاسه



جديدي عاشق البــــــــوادي .... كل عام وانتوا بألف خير ... هنيتوا بالعيد

شفتها في المـــــول تتمشى
جوهرة ف الحسن غريافي

صابت فوادي بنظرتها
سهم ع العينين خطافــي

تلبس الاصفر مع البني
والغطا هو ثوب شفافي

كعبها زاهي برجليها
حلو ومرصع م لاطرافي

تشبه الدانة بحلاوتها
الجمال ع الوجه ضافي

غاب فكري طار وتشتت
والله يعلم بالذي خافـــــي

قمت اطالعها وأتأمل
هالجمال المبهر الوافي

قلت ابسأل وين هي دارك؟
يالغنج يا حلو الاوصافـــي

جاوبتني بحسها المرهف
وبدلع واسلوب خطافــي

ديرتي من دار جدانكـــ
يالغضي يا ولد الاشرافي

ديرتي عمان الحلا كله
عشقنا من يوم اسلافي

هات المثايل .... وابدع القيفاني
في مدح..... منهو سيّد الاوطاني

قابوس ......... بانيها فخر للامّه
تاج المعزه..... نبض كل عماني

عيد الوطن ... هو عيد كل العالم
يومه يعوّد ...... ضيفهم الالماني

تاريخنا ....... زاهي بطلة وجهه
من بسمته ... في شوفة الاعياني

حكمه سديده .. في ذراها عشنا
مذكورةٍ ..... على مدى الازماني

شوف التطور ....... والتقدم دايم
نهضه عظيمه..... نافست بلداني

بسياسته ..... سيّس سياسة عالم
جمّع م بين شعوب..... مع ادياني

نهر الكرم .. من جود كفه فايض
ما تآصله ...... الابيات و الاوزاني

خلاّ عمان العز ........ صورة جنّه
والشعب كله...... هايم وفرحاني

يا سيدي .........عوّد ترانا نرقب
طلة جبينگ ...... نعدها بثواني

من زود شوقي .. سقت لك ابياتي
وحطيت اسمگ.... فوقها عنواني

طيفگ ..... على بالي يمد ذراعه
يربش خفوقي .. ونفسي الملتاعه

يذكر حديثٍ صار ضمن وعودگ
في يوم كان الحب مرخي شراعه

ذكرى تعاودني .. وتذكر جوّگ
يوم اللقى ...... عدّا حدود الساعه

تمسح على دمعي بطرف الشيله
وتواسي جروحٍ ...... غدت نزّاعه

وين الزمان؟ اللي قضيت وعشته
وين الغرام... اللي جمعنا رباعه؟

وين المواصل... وامنياتٍ باتت؟
تبكي على غدر الوقت واطماعه

وين الوليف اللي وهبته روحي؟
اقفى .....وشل الفرح مني وباعه

سولف ..... وخل الهمّ يطوي عباته
انثر ..عبير حروف واهمس للاسماع

اضحك ..... وخل البعد يجمع شتاته
طاوع زمانك ف الوصل لو ما طاع

طبع الفراق اليوم ..... عانت حفاته
ناسٍ تدور الوصل .... وناسٍ اشباع

الشوق ...سوى وسط صدري سواته
كسّر كيان الجوف .. وذيك الاضلاع

ما ظنّتي ...... هالقلب تلقى شراته
لا تلتفت للنّاس وتصير ..... طمّاع

الفكر لجلك عاف .... غمضة سباته
وانته ولا كنّگ ... عن الحال سمّاع

ظلام الليل ....والوحده وقلْ البوح
وطيفٍ ماا سهى عني يجي ويروح

وذكرى... من زمن ماضي تعنّيني
تغيض الفكر وتزيد الجروح جروح

واحلامٍ ..... على طول المدى تاهت
بنتْ من زود موجعها كثير صروح

وقلبٍ ....... تايهٍ في بحر غيبتهم
يصارع موجه الطامي وهو في لوح

يسولف للنسيم البارد ...... العابر
عن وعود الزمان الكاذب المفضوح

ويسرد له قصص ..تاثيرها واضح
على حبٍ ..... نهاياته بعاد وشوح

غريبه كيف يرضى بالغدر فيني؟
وانا عديته الاول، نصخ .. هالروح

غريبه .. والغرابه كيف يتخلى؟
بلا حاجه ..ولا عذر وسبب مشروح

يموت الود... ف قلوب البشر لكن
حرام يموت في قلبٍ عشق بوضوح
حرام يموت في قلبٍ عشق بوضوح

تزاحم ... في وسط صدري
كلامٍ صعب .... ما ينقال

يريدون البعض ... عذري
وانا عذري ..... دمع همّال

سقيته .....حب من بدري
سقاني صدّ ..... مع اهمال

ي كيف يبيع من يشري؟
ويرخي السمع .... للعذّال

اذا في وحدتي .... يطري
اجرّ من البكا ....... موّال

جروحه/ ف الصدر تسري
بنت في داخلي ... تمثال

من افعاله .... غدا فكري
اسير الصمت .... والاهوال

انا ادري ..... وهو يدري
بأن الحب .......مب أقوال

ي ليته ... ما نهب عمري
ولا غيّر .... مجاري الحال

http://im44.gulfup.com/0YE3VI.jpg

لا تحسب اني في غرامگ .. مثالي
واني على ما قيل .... مرخي حبالي

هذي سوالف.. كانت ف يوم حافل
يوم المحبه هي علومي ... ومجالي

لا تحسب اني في وصالگ.. افكر
م انته غريمٍ لي .. ولا انته ف بالي

للحين اشوفگ شيء ..ناقص وعابر
مثل السراب ..... السرمدي الخيالي

لا تحسب اني مبتلي.. في هيامگ
لا والذي سواگ ..... غيرگ بدا لي

الحب نعمه ......... زانها الله فينا
وانته قضيت الحب... لعب وتسالي

الحب يرسم ..... ف الحياه التفاؤل
ما هو بدربٍ ........ للكبر والتعالي

ما همني قولگ وحكيٍ ....سمعته
دام "الصراحه" اولويات ..... فالي

بتروح؟ روح! خل حاجه.. ف بالگ
ان "الخيانه" شيء ..ما ينطرى لي

عاشق البوادي الهنائي:
يا سيدي …… عذراً ترا الصبر ما فاد
سبعة شهور وحن نرقب وصولك

اما تجي ..…… ويجدد الفرح ميعاد
ولا ترا هالشعب .. كلهم يجوا لك


عبدالله الذهلي:
ننصب خيام الشوق..ونثبت أوتاد
يا قايدٍ في الأرض .. محدٍ يطولك

في صبحنا اوجاع، في ليلنا سهاد
كنا جفاف اشجار ترقب هطولك


عاشق البوادي الهنائي:
لو نكتب الاشعار .…….. ونجّر الانشاد
ما ينوصف شوقٍ ف شعبٍ دعوا لك

في كلمتگ حكمه …… ونصحٍ وارشاد
ومن بسمتك تآخذ .. عمانك شمولگ


عبدالله الذهلي:
اخزيت يا مولاي بالصمت الاوغاد
وأكرمت من يمناك كل من يجوا لك

شيدت فينا الخير، واحنا لك اشهاد
من قبل ياتي القول تاتي فعولك


عاشق البوادي الهنائي:
يعجز على غيرك.. يجاريك وان راد
ما ظنتي يقدر .…… يماري حلولگ

لانك سليل المجد من قوم اسياد
نادر ويصعب ف الخلايق حصولگ


عبدالله الذهلي:
أسست فالسبعين للمجد ميلاد
ما هي بـ غريبة من عرفنا اصولك

ما دام (آل سعيد) لك آل واجداد
العزّ منك وفيك.. يمك وحولك


عاشق البوادي الهنائي:
يفداك شعبٍ حنّ لك شوق و بلاد
تمطر سماها كل ما بان ….… زولك

يا سيدي ..... عذراً ترا الشعر ما عاد
حرفه يضاهي بالمعاني ….. خيولك

لا تحاول.. تبتدي عذرك
والله اني منك .. مجروح

راضيٍ في صدّك وهجرك
لا تسولف .. لا ولا تبوح

المشاعر .. ما هي بأمرك
لا ولا قلبي .... ولا الروح

انتزع ..ذكراي من صدرك
دام دمّي .. منك مبيوح

وش يفيد الورد مع عطرك
والامل .. هو مركبه لوح

ماني بقادر … على جبرك
دام روحك.. تبغي الشوح

لكن اسمع شي في خبرك
وانتبه له.. قبل لا تروح

شوف غيري عزّ لك قدرك
وان لقيته فانت مسموح !

والله ما يوصف شعوري وانا شوف
طلة جبينك .…… ترسم الفرْح فينا

حطيت رجلك/ وانبهر داخلي جوف
رغم الشعور اللي ف صدري/ سنينا

دمعٍ لمع/ ما يوصفه شعر وحروف
قابوس يا نورٍ ……… تبادى علينا

حبك حشى ما كان باسباب وظروف
حبٍ تغرّس/ ثابت ٍ…….. ما يلينا

يبكيك شعبٍ لك ع الدوم ملهوف
ينبض خفوقه بك/ وله مع حنينا

نرفع صورك/ والعلم زيّن كفوف
فرحة وطنّا .....… ابهرت كل عينا

يا سيدي/ حبك عدا كل موصوف
خرّت جباه لرجعتك ....… ساجدينا

الله يمد ف عمركم عمر .. ونشوف
ضحكة شفاتك ... كل وقتٍ وحينا



#ابشري_قابوس_جاء

ان جيتني .… ما رحت والله خايب
انا سنادك .......… لو بدالك نايب

ارخي لك الصعبه ..... بعزم كفوفي
لو كلفتني ........ ذبح عمي الشايب

طبعٍ ورثته ....... من طويل الهامه
ابوي جعله طول عمره ...... طايب

قد قالها مره ........ وهو في قوله
م يجيب غير الرآي ... لي هو صايب

لا تخاوي انسانٍ ...... قبضها كفه
ولا تخاوي الكاذب …. ورجلٍ عايب

احرص على اللي ان نظرت ف عينه
شفت الرحابه /والكرم هو سايب

قرمٍ / اذا حدك زمانك .….… مره
سارع يحث خطاه ...... صوبك ثايب

مزيــــــونتي في هرجها دلـــــــــوعه
لا من حكت فكري خرج عن طوعه

باسلــــــــوبها تذبح قليبــــــــــي دايم
لين استباحت خــــــافقي وضلــــوعه

من صوتها يُأخذ لحن بتهـــــــــــوفن
وأجمل أغاني السهره المشروعـــــــه

ما هــــــو دلــــــــــع متصنَعٍ متكلف
أصل الدلع منها وكــــــل فـــروعه

ف عيـــــــونها تجمع براءة وعفــــة
مع حســــن ضافي شدني موضــوعه

الرمش تل الــــــــــروح قبل الساعة
لين أصبحت من حضـرته مصروعه

جتني تشاورني ف لــــــــون الحمرة
قلت الورود ف وجنتـــــــك مزروعه

ترف ونقاوة في وسطــــــها شامـــه
خلت عيــــــــوني منها مفجــــــوعه

التــــــوت نابت في وســـــط شفَتها
والشهـــــــد منهن مصدره وينبوعــه

لا من مشت في مشيها تتبخـــــــــتر
كن الشـــــــوارع لجلها مصنــــوعه

فيها شموخ ملـــــــــوك ما قد شفته
مع هيبة السلطان وقت طلـــــــوعه

من حسنها غارت بنات الديــــــــرة
هي دانة وأمَـــــــورة المجموعــــــه

متميزة في كل شيءٍ عنــــــــــــهن
مكياجها / مع وردها / وشموعـه

احبها .... وتحبني يا عالـــــــــــم
واسمائنا في داخل الموســـــــــوعه

احبها // لآخر نفس من روحـــــي
لو هالقمــــر غيَر مكان طلوعــــــه

وزائرتي كان .......… بها حياءٌ
فليس تزور ..… الا في الظلامِ

سكبت الدمع / من عيني حتى
سقيت الارض عن ذيك الغمامِ

تبنّت روحي وجسمي استباحت
غدى تاثيرها ....... داخل عظامِ

اشوف العالم ….. تسافر وتآتي
وانا مطروح ... طرحات الحطامِ

فلا طبٌ يفيد ..…… ولا دواءٌ
ولا التنويم ….... حقق لي مرامِ

دوائي نظرة …. العين الخجوله
لواحظها .. مثل ضرب السهامِ

اذا قامت … يقوم الكون كله
لخاطرها .....… تحيّه واحترامِ

ي ح ظ الثوب لي لامس كتفها
ي ح ظ الكعب مع ذاك الحزامِ

فداها … من بغى فيها ملامه
فداها ..… اهلي وربعي وعمامِ

اذا تزعل يصير ... الصبح ظلمه
واقرّيها ..... على روحي السلامِ

شاغله .. يا ناس تفكيري
ما تبي ..... عنوانها غيري

لو احاول /// بس اتعذّر
تنتقد .…... عذري وتبريري

بس اغيب شوي … يا عالم
جاتني .……. بانذار تحريري

يا حلاها .. كل ما قالت
انت حاجه فوق تصويري

قمت اصْفق/ كفي بكفي
واعتدل في مشيتي وسيري

فاتنه ... باسلوبها الفاتن
وبجمالٍ فاق …… تعبيري

ما تداني .… حمرة الشفّه
لا ولا تركض .. ورا الفيري

في يديها// رقة المخمل
مع طراوة ... جبنة الكيري

لو اقول الحسن / بك آيه
ردت اصلاً صعب تفسيري

ذات مره كنت … امازحها
وردّت .. باسلوب تدميري

بذبحك .... لو تبتعد عني
او تفكر بس … في غيري

صارحيني … بس لا لا تكذبين
الصراحه ..... واضحٍ مفهومها

تدركين اني احبك؟ تدركين !!
بس روحك ما وفت من يومها

#عزان الهنائي

ما يضرك يا هوى عجف السنين
ولا يهزك ..…… نايبات علومها

المحبه سجن/ وأوهامي سجين
والمشاعر .…… تنحني لسلومها

#عامر الكويلي

تذكرين ايام حبك؟ تذكرين؟
يوم نفسي .. وفّت بملزومها

كنت اظنك بالغدر ما تقبلين
لين بانت نيتك .. وعزومها

#عزان الهنائي

ناديولي الغدر.. وأحلام الونين
واقطعوني عن سوالف قومها

دامني عطرتها .... شده ولين
ويش اريد بخامها وهدومها !؟

#عامر الكويلي

ببتعد … لو كان في قلبي حنين
واكتم/ الغصّات .. في بلعومها

دام عهدك ف الهوى عيّا يبين
ان قفت روحي .. بعد ما لومها

#عزان الهنائي

الشعر يزهمني وانا بي جنّي
يا مستلذ القاف ... قرّب منّي


واصدح بصوتك وانتبه يا ميحد
هونك على العشاق يوم تغنّي


لو لاك ما بيّح خفوقي .. كلمه
ولا شفتني اقصد بها واونّي


يا مرحبا ... باللي لفانا عاني
الكل واحد من اباضي وسنّي


ويا مرحبا .... ترحيبةٍ / مليانه
فيها شذى النرجس وريح سمنّي


ومعطره باحلى عطور / فرنسا
وريح المعتّق من حلاه / يخنّي


وتمر الخلاص اللي طعمها سكر
محموسةٍ معها ... دلال البنّي


جينا نسمعكم قصايد / جزله
من كل بحر .. وكل لحن وفنّي


ابغي اصارحكم / ولكن لحظه
كنّي بخبّي شي/ لا مب كنّي


البنت ي اللي جالسه ف الاخر
تبغون شوري؟؟ اخّروها عنّي


لانها تشوّش / عقلي وافكاري
ويشوش راسي وارتبش واجنّي


حتى القصايد ما رضت توصفها
حازت جمالٍ قد تعدى الظنّي

جينا نلبي الدعوه / الصوريه
ننسج حروف الشعر والقافيّه


نتسامر وياكم ف هالاصبوحه
كلٍ يكمّل .. ما .. بداه خويّه


نبغي تفاعل من هناگ /ومنّا
ونبغي مع التصفيق صيحه حيّه


لجل المشاعر ..... طرقها يتولّع
وتعدّ من عذب الشعر حصريّه


قالوا ف صور الخير نبغي نشارك
قلت ارحبي .... اهلاً هلا يا / حيّه


اهلاً هلا يا دار ... عطر الساحل
يا درة البلدان ...... ف الشرقيه


لجل الخواطر .... جيتكم متهوّر
امشي ع اخر حد .... للسحبيه


ما همني دوّار ..... او تحويله
او نقطة الشرطي .. او الدوريه


ما همني رادار ... خلف اللوحه
او كان في ........ سيارةٍ مرئيه


عندي طلب يا حاضري هالمسرح
لكن قبل لا اقول ..... صفوا النيه


طفوا الاضاءه ... دامها موجوده
مزيونة الزينات ...... احلى بنيه


ان جيت بوصفها تعذّر شعري
ما تنوصف ست الحسن موليه


الشامه اللي تنتصف ع الوجنه
والشفه اللي سكر ف .. صينيه


وعيونها ...... ورموشها الذباحه
سوت بلاوي ع الكره الارضيه


لا جيت بوصف خدها يتعبني
ورده وانعم .... منها ب شويه


اما الجديل اللي تنشّل منها
ظلمة ليالي من عقب قمريه


الخصر ناحل والردف متشبع
ما كنه الا ......... قنبلة ذريه


يا ويل حالي ..... كلما تتبسم
م اعرف شمالي وشرقي وغربيّه


الصوت عزفٍ ما دروا بايقاعه
لا من سمعته .... بدّل النفسيه


لو هي تاشر تمتلك .. هالعالم
وتهدد اكبر ......... دولةٍ حربيه





نص جديد لي .. عديته من اسبوع .. عسى ينال اعجابكم
رايكم يهمني

نعيش / ونعشق / ونحلم ولكن
امانينا تموت ب حكم .. عاده


الا يا ذكرياتك ... ي الاماكن
توليتي على فكري .. السياده


وطبع الحب فينا دوم / ساكن
بدون شعور .... او اية إراده


ي كمّ عيوننا .... لجله تباكن
وهذا الليل .... كم ذقنا سهاده


كتبنا ... والقوافي / كم حاكن
قصايد حازت حروف الاشاده

يا حي شعري واللقاء يا حيّه
يوم المعاني .. كل ابوها حيّه


جينا نشرّف هالمساء البريمي
والله يجملنا ... ف هذي الجيّه


لجل الخواطر .... جيتكم متهوّر
امشي ع اخر حد .... للسحبيه


ما همني دوّار ..... او تحويله
او نقطة الشرطي .. او الدوريه


ما همني رادار ... خلف اللوحه
او كان في ........ سيارةٍ مرئيه



لو لا الشعر هاليوم ما شفناكم
الشعر جمّعنا / ف هالامسيّه


الشعر غايه ساميه .. محموده
واحساس نابع في شكل قافيّه


الشعر حاجه والسوالف حاجه
والناس تعرف ... هذي وهاذيه


وانا م اقول اني انا /المتنبي
لكن قصيدي كفو ... ميّه ميّه


مدري هو الجمهور وش يطلبني
يبغي غزل ولا يبي .... دينيه


ولا يبي مدحٍ يعانق شخصه
في حضرة السلطان صافي النيه


لكن قبل لا ابدي انا لي حاجه
ابغي تفاعل من هنا وهنيّه


ابغي النشاط اليوم عالي عالي
حتى يكسر كاشي الارضيه


وان جيت بمدح سيدي المفدى
شيخ العرب هو رجل الانسانيه


قايد محنك والمواقف تشهد
في وقتنا الحاضر وفي ماضيّه


و ي عمان ما غيرك ترانا نعشق
يا درة الاوطان ....... يا حوريه


قابوس زانك واعتليتي القمه
حتى غدى اسمك يشعشع ضيّه


للسلم انتي يا بلادي رايه
يوم العرب كلٍ حرب ف خويه


ويا شعري امدح دانةً مجهوله
من شكلها عرفتها حضريه

طبع التحضر والله انه واضح
علكه ونظاره .... كذا ورديه


دقة كعبها يا عرب موسيقى
مقطع تحدى عزف سيمفونيه


ولا الشفايف زينتها الحمره
والخد باقة ورد هولنديه


اركض وراها من حوالي ساعه
والفكر تايه والمشاعر عيّه


اشوفها وتصد عني مدري
مدري خجل مدري هي النفسيه

جلت ارحبي جالت هلا وتفضل
جلت الاسم جالت انا بدريه


جلت الصراحه قد اسرتي قلبي
قالت تكلم ياخي ب رسميه


لاني بعرفك ولا انته بتعرفني
خل الغزل عنك بعيد شويه


قلت الرقم قالت تفضل روّح
لا احشر عليك الحين هالكليه


ودرتها وانا ف صدري حسره
رجعت فاضي والقلم ف يديه


وفوق هذا يا عرب فاتتني
المحاضره الاولى مع الهنديه