زهيرات من الشعر 28/9/2014
تلقى على الصوره رسمه ... وتذكار
واذا دخلت الفيس أدخل ... برقمي
تلقى على الصفحه .. علوما ...وأخبار
وتلقى على جنب السطر... مد حبري
وتلقى على ايقونه النسخ... شطر جيتار
اعزف به ... أوتار وطنطق ... بصدري
ولا تسمي بنفسك ... وسافر على الدار
خوفا من القانون .. في دار ...عبري
صباح الخير ايها الأحبه كل التحيه لكم واعتذر للجميع بسبب ظروف الدراسه
بعض الهوى صعبه.. ظروفه وتحكم
تحكم على شخصن.. جميله وصوفه
ما قلت شد الحيل ...أقول ترجم
وشلون تصبح ذي ..الجميله عطوفه
حبه ترى بالقلب... يصحي ..ويحلم
والقلب طبعا... هيه صعيبه ظروفه
يا بنت.. شدي الحيل... ترني معزم
على السفر... يا بنت وكسبي أمعروفه
نسيت ..الحقائب... بالبلد فبير..جم
بدار الكرامه... صحار ماهيه كلوفه
عودي وجيبي اللي.... نسيته وتسلم
يابنت قولي للاهل.. ترني أمشغوفه
حتى نسافر ..مع بعض ونترك الهم
الصيف راحل... والشتا بان شوفه
بجمل ليالي ..الحب ... يزتان صدري
في جلستن ... تطرب سماع المحبين
يا بنت ... من قال الهوي صار غجري
ماهوه صحيح... القول من قبل عامين
شديت رحلي ... مسافرن الدار... بدري
سرت الخليج... وشفت مليون ... تكفين
وما عاضني ... غيرك حبيبي... وعمري
وعدت البلد... من عقب ما غادر الزين
ثم رجعت ...لغربتي نافذ ..بكل صبري
وشفت الدراسه ... في حياتي ملايين
يا بنت حبك ... صار من يوم صغري
ما بدله لوكان ... سافرتي ..للصين
محروز يلي تقول ... يا بعد ... عمري
الله يعودك ... الى حبيبك ... بتشرين
تلك ايام الدراسه ...مضت ما بها شي
غير الكتب.... والمسطره وحبر وأقلام
تسمح.. دقيقه عطني ..من وقتك شوي
اشرح لكي .. ما حصل تلك الأيام
كنت طالب عسكري... بشرطة دبي
cالمعدل... في الشهاده ولا هام
كله بسببك ياماخذه...مورد المي
وقبل التخرج صرت بالليل مانام
لي تحفظ الأسرار... ماتت بألفين
وجيتي ... بدلها ما تعرفين للحب
رباتعش عاما قد مضت بعد تشرين
على رحيل.. اللي خذت مني القلب
كانون الأول .. ذكرنيه بها زين
امشي يمين الشارع مضيع الدرب
كنا سوى ... للدراسة (ف) برلين
بألمانيا لكن أصوله ...من الغرب
جيت بإجازه وهيه ... راحت الصين
وهناك غدروها .. طوائف من الصرب
يا بنت روحي عن طريجي... وتكفين
خلي الجرح باري ... لا يرجع أيشب
هيضتني يا حلم في... آخر الليل
وذكرتني في شخص قد كنت ناسيه
وأغرقتني يا حلم في وابل السيل
حتى نسيت اللي انا كنت بشريه
عذبتني يا حلم ...وتبدل الجيل
جيل مضى يا حلم ما ظن بلقيه
الموضه طغت يا حلم ع ريحة الهيل
والبن ...يحمس على غاز نشريه
وتبدلت عادات... يا حلم بالحيل
وراح الشباب اللي.. زميلك بتاليه
وجاه المشيب وصار بدار تسجيل
حق المعاش اللي يبي يعيش راعيه
محروز يا وقت مضى دون تبديل
ماظن يا تي وقت مثلك ...يداريه
قالت سلام وقلت اهلك يشوفون
يا بنت صدي من امامي وصوني
صوني نظرك غضي الطرف بالهون
شوفي الربع كلهم ... يحتروني
قالت علامك صاير تقل مجنون
ما هم هلي وشفيك ما هم عنوني
جيتك على الموعد ما هم بيدرون
كل الأهل... في الجامعه يحسبوني
في غرفتي صورتك مليون مليون
رسمتها..(م) الجامعه في عيوني
سلام يا بنت العرب وين ما كون
فخري ترى ما خاف لو يذبحوني
انا بدوي لو قالت الناس .. مجنون
وكل الربع بالجامعه .. يسألوني
وش هالغزاله اللي معك قلت تدرون
هذي زميلة صف .. لا تحرجوني
غردت لكن في تويتر على الشات
وجتني ردود في التغاريد عده
واحد يقول اشفيك ما عندك اثبات
انته تسب الزين في وسط جده
وآخر يقول تعال نعمل بروفات
فتح عيونك وسط شي .. توده
تبغي تجينا المملكه قلت هيهات
الزين فيها عمان عد ..وتعده
الله يمسيك بالخير ايها الأحبه هذه ابيات من قصيده مختاره
محبك شيبة الباطنه
القاك ساهر آخر الليل (ع) النت
وش سهرك دامك تحب الدراسه
إن قلت لي القاك باقول هونت
هرجي سمعته واعتبرها فراسه
،،،،،،،،،،،،،،،،،،،،،،،،،،،،،،،،،،،،،،
فصل الشتا قرب وانا كلي هموم
ودي اسافر لكن الصيف ...قفا
لأن الشتا نهاره قصيرن ومزحوم
والصيف ...حله للسفر لا ترفا
،،،،،،،،،،،،،،،،،،،،،،،،،،،،،،،،،
اشتاق لك واقول يا حب وينك
اثرك بديلي شفت وسافرت وياه
انسيت حب فات وسددت دينك
طافت سنين العمر وضيعت ممشاه
،،،،،،،،،،،،،،،،،،،،،،،،،،،،،،،،،،،،،،،،
في الجامعه من شفت زولك سلبني
تدرس ادارة بعيد عن قسم قانون
اسلوب راقي فيك وهذا عجبني
وفوق الجمال مكحله فيك لعيون
صباح الورد لجميع الاحبه (شيبة الباطنه)
في المنتدى صادفت ناس ... كريمين
ذوق وادب وأخلاق ...ترباية اشعوب
لمست فيهم... من احوال المحبين ثنتين
ان غبت عنهم...يواصلونك ع لقروب
والثانيه لا غبت..ما تغضي لهم عين
حتى رجوعك ... للبلد بقول مطلوب
يازين ترني عن وعودك تخليت
ما عاد ارقب فيك حب... ومزايا
انته دخلت القلب من عام واقفيت
خليك مقفي لا تعود ...الورايا
عقبك ترى يازين امرضت واشفيت
كل بسببك ...وما لقيت الدوايا
والحمد لله من مرضكم تشافيت
رحت الطبيب الهند وخبت مطايا
ليتك قبل ما تدخل القلب طليت
شفت الجروح... اللي تزيد فعنايا
شفتك معه... لكن عني تواريت
سويت نفسك... مستحي من شرايا
انا بدوي لا قلت ...مابيك صديت
وحب البدوا يازين... ما به خفايا
يمكن حمد لاشافك يفك لك جالقالت طلب ارجوك عطني من الشال
ودي اغطي برد اختي ...سقيمه
فيها مرض مزمن وبالجوف زلزال
هذي امور الحب واختي ... فهيمه
قلت استري يا بنت قولي بها اعضال
وقلطي معي وتستري تحت خيمه
وقولي بدويه لا شفتي الخلق رحال
وسكني معاهم لا تكوني ... غشيمه
يمكن حمد لا شافك يفك لك ...حال
واالغيث ينزل (م) السما بوسط غيمه
ويمكن بعد اختك يظهر بها اسعال
لا تكشفي تلك الجروح ... القديمه
عايش انا مابين راحل... ونزال
وفي الجامعه ما شفت وحده سليمه
عذرا لعدم تكملة القصيده دمتم ايها الاحبه بكل خير وسعاده محبكم شيبة الباطنه9
مقتطف من قصيدهتصبح تقول الصبح يا ورد ...مشتاق
حق الندى والماي ...تحتك مجاريه
وشلون يا رود الزهر ... نقطف اوراق
واوراق عودك يا ورد ... يابسه فيه
مشلول عودك يا ورد ويابس ...الساق
ووارى الثرى العامل اللي ... كان يسقيه
صباح الخير ايها الاحبه محبكم شيبة الباطنه
قالوا تهوجس 28/1/2015قالوا تهوجس وقلت ماهيه هواجيس
هذي أمور الحب .. مع ناسن اغراب
شخصن تخرج ...مافهم بالتفلفيس
كنه على شط البحر ... مجمع اتراب
يبني قصر وكنه عمل صرح بالقيس
ما يدري انه القصر بلا عمد واطناب
غريب لكن في المحبه مثل... قيس
ابن الملوح في زمن فات ...قد شاب
قولي لشخصن ... عفسنيه تعفيس
سافر لداره واترك القلب... منصاب
لا رد (ع) الهاتف ولا عبر الفيس
جته الرساله ...ومزق الظرف وكتاب
مشكور يا راعي عيونن ... نواعيس
يلي هدبها ظل في .. الظن نصاب
كذبه تقول انك على شاطي السيب 10/2/2015كذبه تقول انك ... علىى شاطي السيب
وأنته معه... في الجمس ..قدام عيني
شفتك معه بالأمس ... لكن (م) العيب
احكي كلامن ... في تويتر... مشيني
بس احترم وعدك ... وادي المطاليب
وسافر عساه ايكون ... خبرك يجيني
كملت انا الماستر... وعاودني الشيب
يعلك تشيب ... ولا اجيك وتجيني
في غربتي ... مديت ايدي مع الطيب
بس الأصل .. شرواك يعطر بطيني
سافر يعلك بدار... يعوي بها ذيب
في ارض قفري... يا مكبل ايديني
شفتك معه قدام عيني ... ولا جيب
طاريك يا نازلن بالقاع ماتت سنيني
ابياات من قصيده 13/2/2015حب البدوا (م) الصعب ينهار
مكنون ... وموثق توثيج
اشوفك مكدر قل وش ... صار
كنك غناتي مصادق .. الضيج
شوفك .. حلوا كنك من صحار
وهقتني ... بحبك ...توهيج
قالت نعم .. من دار الاحرار
اصل وفصل ... ابغي مواثيج
كنك غريبن .. ما من .. الدار
قلت .. ابدوي اصلي تواثيج
اسعدتم مساء ايها االاحبه
ادعيلك الله بدار قفرى تموتين 15/2/2015تبغي... تقول الحب سافر ولا رد
كيفك تميز في نظرك.. المحبين
رايك تميز وانت ...ما فاهم العد
خمسه فخمسه قلت خمسه وثلاثين
غرقة بحر وتقول غرقان بالسد
السد ...في سيحن يباله شواهين
شكلك حلو بس (م) الداخل اسود
صبغك بياض وزين لونك فساتين
معدوم شكلك بس استعملي الشد
عمرك يقارب فوق خمسه وسبعين
وحتى تكون ...حليو كحل بأثمد
مكياج حطي يصير لك عمر عشرين
قفيت عنه وقلت.. محبوبك احمد
ادعيلك الله ..بدار قفرى تموتين
صبااح الورد 11/2/2015ماا خفت منك لكن الخوف فاجئني
قلة أدب ان شف خوفي .. ولا شفك
توك صغيرن بعد في صغر .. سني
تعرف منو في االحب سيدي .. مربنك؟
شخصن يعزك يعزك ولا خجل .. مني
يوزن بوزنك ذهب .. وفي حياته مسلنك
صبحكم الله باالخير والعاافيه ايهاا االأحبه االكرام
صابحكم ابتسامات ايها الأحبه 21/2/2015صدفه لقيته وقال ماني من الدار
اقلط تقول وقلت يا بنت جوزي
قالت ...علامك واقف تقل بيدار
اقلط تعال ..هناك صافح عجوزي
شوف الحفل بالجامعه ..تب تبدار
قلت الحفل ... يابنت شوط فيوزي
كل الحفل ...هتمات عجز وتندار
مابه صبايا .. غير كر كر وكوزي
صباحكم ابتسامات ايها الأحبه
طويت حبك...... وسط طرباش 28/2/2015طويت حبك يا ... وسط طرباش
و خليت نفسي صايره (م) الكباشه
الحب عندك ..سافر الدار ببلاش
حبك ضعيف ولا لقاله .. انتعاشه
حبك نسخته واشعلت فيه لفلاش
سويت به سوات النحل للفراشه
بعتك بسوق ....... قاش في قاش
بس انتبه لا تستوي ..عاد باشه
لأنك رخيصه بعتك بثوب دهداش
واهديت ثمنك يا سواد.. العفاشه
ذلفي خذاك .. الرب ماني بمبدهاش
انا بدوي عندي حموله بشاشه
لا جيتهم تلقى الكرم عندهم عاش
اجواد مافيهم ... عبيد ودفاشه
عسىى جنان الخلد مثواك عمري 4/3/2015هذه هي الحياة الدنيا
بالجامعه لا قيت ... أحلى جروبات
فيهم ..نفع حق ... الدراسات تدري
وفي صحبتي واجهت بعض الصعوبات
تعرف طبيعة خلق .في جنس غمري
وفيهم خيار الناس ... حلوة وترفات
مثل الفخار .. مصنعه بسوق عبري
ترف الكسر والضلع به بات ما بات
حتى طلوع الفجر... صليت بدري
سرت .........وبيني وبينه اتصالات
مشتاق شوفه ..وهوه عن الحال يدري
وقدام عيني صار... حادث وهوه مات
خذته بحضني ... وخرس الدم صدري
بعيني ..انا شاهدت ..وللموت سكرات
عسى... جنان الخلد مثواك .. عمري
وهليت (ع)... فراقه من العين دمعات
وشلت علومي وانكتم .... عاد خبري
بنفسي تري ...شطبت كل الجروبات
وعفت الدراسه بعد... ما طاح قدري
رديت داري لي بها الراس مرفوع 20/3/2015قالت ترى حبك من العام مقطوع
يعلك قطع يا بنت وسط المعاليج
بعد السفر ضيعت عنوان مطبوع
في دار شمر ما تهاب المطاليج
جيتك وشفت الفيس م البعد مصبوع
كنه شرات الجميس فوق المطافيج
رديت داري لي بها الراس مرفوع
احسن مشوف الغش فلجا المرافيج
اسعدت صباحا ايها الأحبة اعتذر عن تكملة القصيده ؟
آسف ترى جب الصدف سكر الدرب 27/5/2015قالوا تحب الزين وقلت ماني احبه
لكن تدري الزين يفلان ... ينحب
قلوا تسب الشين وقلت وشلي أسبه
مير إنْ الشين ... يطرا على السَب
قلوا تحب ... البنت وصْمه ودُبه
قلت العفوا.. يا ناس ما داني الدب
العود نرجس .. لا لفته ..المهبه
ايمايله النسناس .. لا صدفه إيْهب
وشْ لي بناسن ..ما تعرف .. المحبه
مثل الجمر... لامات تحييه بالْهب
صدق المثل .. لي قال كبْه تكبه
حب الصدف شروات..كعْبن مكَعب
يسْكرك .. لو كان الهوى .. مبْتلِبه
آسف ترى.. حب الصدف سكر الدربْ
جيت البلد يا بنت لأجل الدراسه 21/5/2015قالت من ايين وقلت من العام سكان
هذي البلد يا بنت ...لأجل الدراسه
قالت بلدك .. وقلت من داخل عمان
بلدي صحار... العز طيب وناسه
قالت اسمك ... وقلت شايب وتعبان
لاهنت يالمجمول.. صاحب فراسه
شايب وتدرس .. قلت جندي بميدان
بعض الترف يا بنت يجلب نحاسه
اصلي سكنت العام وعندي بجيزان
ثنتين يسْون ... مملكات ورئآسه
يلهن من فنون ..البداوة .. وشوَان
أصحاب هوش وبوش يعطن حماسه
قالت ترى انته ..على الفيس ولهان
اسكن بلاد العز.. وأترك حماسه
كل التقدير لمحبي شيبة الباطنه دمتم بحفظ الرحمن
انا تركت الجامعه وللبلد عاد سافرت 10/7/2015هذه ابيات قصيره ارجوا المعذره
قالت علامه الحب يبغي يسافر
قلت السفر مشروع لو قلت ماقلت
احضان طيفك مثل طيرن مهاجر
وسط السما وبرموش عينك تألمت
مثل الدمع لا سال ع الخد عابر
طير السعد وبحضان حبك تعشمت
مريت دارك مثل شخصن مسافر
واقرا حديث العين لو ما تكلمت
اشوف عينك بين ماضي وحاضر
وزولك امامي حاضرا كل ما نمت
كنه ورودك بعثرت طيب عاطر
منه ضلوعي ترتعش كل ما قمت
يا سيدي مالك وكسر... الخواطر
انا تركت الجامعه وللبلد عاد سافرت
مقتطف من قصيده 7/8/2015يا قلب شد الحيل... منصاك عبري
دارٍ سكنها يا ..قلب أريش العين
وخف الخطا يا قلب إن سرت بدري
وطوف النويصب.. دار فيها مزايين
ومن بعدها ملفاك.. مضنون عمري
يمكن تلاقي .. في طريقك عناوين
صعبه الديار اللي بها..الناس تشري
واصعب أمر لا صار فيها.ترى شين
حبك ترى يا قلب في وسط ..صدري
ضايع ويجري في ..عروق الشرايين
ما بيك صدج .. ولكن الناس تدري
اني بحبك صرت .. شروى المييانين
ما رمت اقفل .. ضاع مفتاح عبري
جيت النويصب وما لقيت الامر زين
شفتك على تويتر 1/8/2015صدج المواقع تبكي ..اللي يرحلون؟
موقع تركته داخلك قلب.. كذاب
شفتك على توتيتر وعندك الناس يمشون
وش دخلك موقع متاهات ... وعتاب
الحصه انتهت وداخلي قول .. موزون
لكن لمحتك بالفصل لابسه ... حجاب
هانت عليك ايام يا بنت ... وتهون
ذيك الليالي اللي مضت .. دونها عتاب
لبسي خواتم واعملي.. دون يدرون
اهلك وربع بالفصل وسكني .. تراب
يمكن جسَدك يسكن بدار .. ميمون
ويمكن بعد في الجامعه ماخذه سكاب
بعض المطر ينزل بلا غيم .. ومزون
خلي دموعك .. تسكب الماي بعذاب
قلتي حمد مسكين ما عنده .. عيون
خنتي وتحاهلتي احاسيس .. شياب
ابيات من قصيده 25-09-2015
كلن يقول بغربتي ما عندي اوناس
اما انا اقول الهند عندي وناسه
بالجامعه عرفت فوج من الناس
شباب اصلا طالبين الدراسه
ان قلت لي تقدر تفند بالأجناس
طبعا اقول عمان عمقن وساسه
انا بدوي لا قلت هرجن بجرناس
سجل ليه التاريخ اضخم فراسه
هذه ابيات مختارة من قصيده لشيبة الباطنه
احمل التحية لكم ايها لااحبه وكل عام وانتم بخير بمناسبة العيد السعيد