عجـزت أجامل بعض ربعي والأصحاب،،،
عجـزت أجامل
عجـزت أجامل بعض ربعي والأصحاب ..
وتـعـبـت أداري كـل ذنــب وخــطيــّه
أشوف من يضحك وهو يظهر الناب ..
وفــي داخـلـه حــقــدِ يــكـنــّه عـليـّه
صـبـرت لـو أنــي جـريـحِ ومـنـصـاب ..
مـــن الــذي رد أحــسنـاتــي بـسـيـّه
صديت صدة من بغى القـرب وأرتاب
.. حــدوه ربــعــه لــلـنـفــوس الــدنيـّه
أبعدت والدعـوى بـهـا أرجال وأشناب
.. وأقـفـيـت أدور لـي عـلـى ظــل فيـّه
من يشتري قربي فلا يحسب أحساب
.. يـبـشـر أبـرجـل مــا يــخـلـي خـويـّه
واللـي نـوى يـبـعـد فـلا يـفـتـح الباب ..
يـبـعـد ولا يـنـسـى يــرد الــوصــيــّه
ما جيت أدور حزب وألا أحني أرقاب
.. ومـا جـيـت أدور كـسـب وألا عطـيـّه
أنـا قـضيت الـعـمـر للـطـيـب طلاّب
.. ولـي فـي دروب الـعـز روحـه وجيـّه
وأنا سترت الـلـي بلا سـتـر وأحجاب
.. عـن كـل عـيـن وكـل نــفــس رديــّه
ما قلت وش ودا ولا قـلت وش جاب
.. سـاكـت وأعـرف الـمـتـهم والقضيـّه
وأن حدني وقـتـي بـلا ذنـب وأسباب ..
بصبر لو أن نـفسـي بـصـبـري شقيّه
