لو يستقر الزمن ويعود للماضي جديدي
لو يستقر الزمن ويـعـود للـمـاضـــي
شفتي قصيد الغزل جدواك خطيته
لكن ظروف العمل والمخبأ الفاضـي
تنزل سمو الرجل وتـقـل من صيتـه
مغليك لـو يتعشى لـقـمـة الـقـاضي
تفطر بفردة تمر ناسه واهل بـيـتـه
راضي بقسمة إله العرش هو راضي
الحكم حكم الإله والوقت توقـيتـه
مهما يقولوا الفقر ثوب السعد حاظي
م ذاقوا اهل الترف همه وتـشتـيـته
كم مجلسٍ عن كلامه رحت متغاضي
لين ولدي في ثمين البوح وصيتـه
افهم كلام الدني واهذب الـفـاضي
والوقت بين الكتب لو زاد قضيته
يا بنت من هو الذي يجمع لي انقاضي؟
كمٍ وكم انهدم في الـقلب وابـنـيـته
واليوم من رحم حبك تنوي اجهاضي
هذا انا والـفـقـر حـبـنـي وحـبـيـتـه
يقوم قبلي الفـجـر يـتـعمـد أنـهاضي
واحيان اقوم الفجر من شم كبريته
على دروب العمل تسبقني اغراضي
مسلم برغم الفقر هالـمـال زكـيـتـه
يابنت ليت الزمن يرجع الى الماضي
طفلٍ وفحوى السعاده طعم شكليته
أحمد المعمري فلك
19/4/2020س9:44ص
