قـديمي والجديد إنتِ!!
مدام إنك مسحـتي ذاكرة ماضي
وغيـرتي
قناعاتي إتجاهاتي
وأفكاري
وصرتي وجهة أشعاري...
معاها ذابت الأسماء،،
ولابه إسم ما تحويه،،
جمعتيهن خذيي ما يليق بوجهك وطبعك،،
نثرتيهن مزجتي سهلك وصعبك،،
وصرتي غايةٍ أسمـى،،
كأنك للـحياه الـماء..
وقفتي للـعمر حتى،،
رجع لي وحسبه قفّى،،
أبي أهديك أشعاري ومعاك الشعر ما وفّى،،
لأنك أجمل وأنقى،،
تروح وطيفها يبقى،،
ي طيفٍ ما ترك فرصة لتفكيري
وقبـلك ما قـدر غيرك ع تغيـري..
منار الحسن وجهاته ودلالاته،،
طريق الود راياته ومتاهاته،،
شموخي وطبعي الهادي كسرتي
هيكل إعداده،،
جمحتي بالشعور اللي
لجامه قبضة الفارس،،
رغم إنه..
أصــيل وعفّـته حارس،،
يموت ولا ثنى نفسه لرغباته،،
وجيتي بحسنك وطبعك
وأنا جيتك شعورٍ ما يحب الزيف
خذيـتيني
إلى أبعد من أحلامي،،
خذتـيني
حكايه لحبنا السامي،،
وصرتي لي(ملاذ الشوق واللهفه)
وشيٍ ما قـدر شعري على وصفه..
وغيّـرتي
قناعتي إتجاهاتي وأفكاري..
رفعتي سقف آمالي وأحلامي....
