الالهام والحب انهار تفيض بالاشواق
والشعور والاحساس بحورآ ليس لها اخر..
قصيدة: # شفتها تمشي #
غزاله وشفتها تمشي عليها عيون سحريه
سبتني واشغلت بالي حسينة طرف محلاها
تمّيل خصرها ب خفه ، يمين ومع شماليه
خذتني صادرت روحي عشقها القلب ناداها
وصرت امشي الهوا عكسي، اناظر فيها ب شويه
واطالع زينها سبحان ، من صور وسواها
لو اذكر كل ما فيها يسيل الحبر ب يديه
يذوب ولهفتي تغلي سعاده مقدر انساها
عليها من الدلال وذوق صفات كثير مخفيه
اناقة مع لباقه وحسن جمال الرب اعطاها
ولع كلي انا مشتاق فداها كل ما ليه
غزتني وألهبت عقلي قوام وحلو ممشاها
حفظها الرب من حاسد ترا الاوصاف حوريه
واذا ألفت عيون الليل قمر تنثر سنا ضياها
وش تقولوا يا عشاق الشعر تستاهل هديه؟؟
وتستاهل ابات الليل شعوري انثره جداها؟؟
صباحكم رومانسيه
