اختصر أرجوك...
اختصر ارجوك لا تسهب كلامك
ودي اسمع قصة الحب الحزين
ضاع وقتي بين صمتي وابتسامك
اختصر ما عدت في قلبي ظنين
ارحم المجروح من طعنة سهامك
يشتكي الاوجاع من زود الانين
ولا تظن اليوم اسعى في خصامك
بس انا معذور واقسمها يمين
لا تضيع ود من حبك ولامك
ولا تحاول تشتكي حين (ن) وحين
هذا أنت ومافهمتك في نظامك
للشمال تغيب لا جيتك يمين
ياترى انساك في عتمة ظلامك
وش بقى منى سوى دمعي الثمين
اوعدك اني اقدر احترامك
اوعدك اني على سرك امين
عش كما تهوى سلام (ن) في مقامك
وان بدا شكي علامات اليقين
باختصرها اليوم.. ما اهوى غرامك
حيلتي انساك من حلم السنين
أختصر أرجوك .. وش يعني سلامك؟
حيلة المجروح موجوع و حزين
ناصر الضامري
