حزن لو جيت تستوطن في صدري لا تسد الباب
دخيلك يمكن الفرحه تمر تــقـفـر خـطـاك الـيـوم
أنا مليت من نايٍ يوقــظ فـي ضـلـوعي احـراب
انا مليت من لــــيـلٍ هـجـرني فـي دجـاه الـنـوم
حزن لا تـسأل المرتاب وش به مُـربـك ومـرتاب
ترى حمل الحياة المثـقـلـه هـدت كـبـير الـقــوم
اهاري فرحتي تقطف من ورود الـقـلـب عـنـاب
وتفاجئت بملاغتها تـزايــد فـوق جـرحـي ثـوم
حزن لا جيت تستوطن ف صدري عاين المرقاب
ابيك تغني أشجانك تسلي خــاطـري الـمـهـمـوم
ابيك توقظ احلامي بدون اسـبـاب او بـسـبـاب
ولو تضرس لأعــوامٍ مـثـل حرب الفرس و الروم
كـــثــار اللـي يـمـروني ولـكـن واحـدٍ مـن غـاب
عليه اقراء تراتيل الغياب ونـجـمـه الـمـنـجـوم..
مسجل في السماء غايب بعد ما ذاق سم الداب
لعنة الداب والحيه عسى ما تـقـرب الـمــظـلـوم
حزن مبغي تسجلني بصفحات البعـض اعـجاب
أنا الإعجاب يعرفني قبل يقصد فضاه الـحــوم
زمن يتلي الزمن والنـاس فيهم صـادق وكـذاب
وتفرزهم ليالـيـهـم مـثـل فـرز الـصـقـر والـبـوم
حزن بالله لو ترحــل بـعـدها في ولـوج الـبـاب
عجز تلقى وسط صدري من علوم العلوم علوم
أحمد المعمري فلك
