قصيدة: الصمت المحال ( مجارة بين شاعر و شاعرة )
--<{ ♡ الصمت المحال ♡ }>--
لا لا ولا لا حب لا تقتلني بصمتك
تعلمت الرد على الصمت المحال
آه ومن قبل لا تخدمني خدمتك
و تعرف قصدي مندون الجدال
وطبع الحياة إن فهمتني فهمتك
وهي ما تبنى على قطع الوصال
ياعاشق علمتني العشق وعشقتك
وبنينا المحبة على طيب الخصال
سألت دموع أقلامنا وإنا وصفتك
وصفك الحقيقي في الهوى ينقال
ادري مثل ما اوحشتني اوحشتك
ويكفي إنك آية في غاية الجمال
ش: حمد بن فهد المخالده السبيعي*
========================
هذه مجاراة الشاعرة احلام عابره
للشاعر/ حمد بن فهد المخالده السبيعي
تقول الشاعرة/ احلام عابره:-
ارتجف خفوقي يوم..... قابلتك
بعد سنين انقطع فيها ...الوصال
وتلعثمت بالرد. يوم ن.....سالتك
ليه قلبك عن درب غرامي... مال
وفيت لك وبوسط.. القلب شلتك
ولا سمعت فيك.... لقيل ن وقال
لو صديت وبعت الغلا... .ما بعتك
ولوحاولت انسى ردد نبضي محال
ودعت السعاده بيوم.. ..... ودعتك
وباقيلك مابين الحنايا........ منزال
الشاعر القدير حمد بن فهد المخالده السبيعي صح لسانك تقبل مروري ومجاراتي المتواضعه احترامي
( احلام عابره )
=======================
آه غصب يرتجف لأني ما ازعلتك
اقفيتي شايلة قلبي حقيقة لاخيال
غصب اتلعثمت يوم فجأه قابلتك
رجعتي بقلبي وخفت دم ذاك الغزال
لاكيف تسمعين وبكتاب الله حلفتك
تعاهدنا بالله ما نسمع لأهل الجدال
رحتي بقلبي يا قلبي ليتني تبعتك
حاولت اصمت لكن الصمت محال
لا يوم الوداع صديتي وما صدقتك
قِلتْ بترْجَعْ بعد ما يتعدل مايل مال
مرت الأيام بحلوها ومرها مانسيتك
اترجى الله ثم رجعتك طوال الليال
الشاعر/ حمد بن فهد المخالده السبيعي
=========================
رد الشاعرة/ احلام عابره
جيت ادورلي في حناياك....منزال
لقيت الغوالي كل ن اخذ.. . مكانه
رجعت وفداخلي من الشوق زلزال
احسني مكبل كني مسجون زنزان
حشمت هيبتك عن القيل... والقال
ياصاحب كل حضوري على.. شانه
يا كم مرني من الناس....... اشكال
وياكم سمعت عزوف الغلا والحانه
ماهزني من شوف الرجاجيل رجال
ولقيت روحي عن الخلق.... سليانه
ماغير نظرت عيونك يا هوى. البال
وردتني البحر ورجعت.... عطشانه
الشاعرة/ احلام عابره
======================
رد الشاعر/ حمد بن فهد المخالده السبيعي:-
خذ المكان ثلاث مختلفات بحلال
باقي رابعة ترفع من شأنها وشانه
ارجعي القلب خضر تلقين مدهال
ما عاش منه يسجن بقلبه احزانه
الحاشم يحشم و يلقى له مدخال
عند عريب الجدين خواله وعمانه
ما كل لحن لقيل في القلب بيشال
ولا كل اللحون تسجل بالإسطوانه
الرجال قليلة وياكثر أشباه الرجال
وقد قيل يعرف الكتاب من عنوانه
نظرتك في محلها وما نيب محتال
اصحي يمك ماء عذب تراك حلمانه
الشاعر/ حمد بن فهد المخالده السبيعي
