هذا صدى صوت الجفا،،
ما رد إلا بالمثل
وش كان ظنك غير ذا ؟!
عمر الصدى ما رد إلا ما سمع،،
وإنتِ تنادي ع الجفا،،
من قال لا ؟!
اللي بغانا نشتريه،،
واللي هجرنا نعذره،،
ما نجبره
ما حد قوى
يجبر قلوب ( ن ) ع الهوى،،
كل ( ن ) يشوف اللي يحبه له وطن ويعيش به،،
ما حد عزيز ويرتضي
يسكن مع غيره أكيد،،
روحي جعل حظك معك
عساه مع غيري سعيد،،
كوني سما،،
كوني وطن،،
محظوظ ياللي في عيونك قد سكن،،
كوني دفا،،
الحب ما يعرف شتا،،
كوني ربيع ( ن ) وازهري،،
كلما ينادي الشوق وصل ( ن ) أمطري،،
كوني وفا،،
ما يعصف الحب الرياح،،
ياللي نصبت الشعر فخ( ن) للنسا،،
لا تحفره وتطيح فيه،،
بعض الفكر ياتيك عكس اللي تبيه،،
كم صاد شعرك ما كفاك،،
إتلف ع الحب الشباك،،
أتقص جنحان المشاعر،،
تعجز لغيرك لا تسافر،،
بعض الشعور أيحن لو هو طيّره،،
مثل الحمام إستوطنه ما يهجره لو غيّره!!
ياللي كتبت الشعر لك،،
وش طيّرك ؟!
بالرغم إني اللي كتبته فيك أصدق ما كتبت من القصايد،،
لكن غدت من ضمن أشعار المصايد،،،
واللي وقع فيها أنا،،
واللي إنكتب شعري لها،،
(كالأصمعي)
يوم إنكشف سر القصيد اللي معي!!
بعض الشعر يطلق سراح،،
بعض الشعر خلف جراح،،
توني دريت بغلطتي،،،
قلبي إشتقى ولا استراح،،،
هذا صدى صوت الشعر،،
بس الجفا ردد هجر!!
والجرح رددها جرااااااح،،،
