مستحيل انساك لو غيري نساگ
الخفـــوق الـلي ذبحــته بالــطعون
............والهـموم اللي لفتنــي مـــن وراگ
والدموع وصرخة القلب الحنون
............ونجمةٍ بالحب تضوي في سماگ
وصوت عبرات السما لحظة مزون
................والربيع اللي تفتق من حلاگ
والسوالف والقصايد ياشجون
................وموعدٍ يبگي على خلٍ بــگاگ
والسواد اللي مكحل هالجفون
.........والشقى اللي كم شقا يركض وراگ
( وحلمٍ ) اقشر واقعه يحلم يكون!!
...........والسراب اللي نطحني من هناگ
وضمة العشاق في لحظة سكون
.................وعبرة الملقى وصدرٍ احتواگ
كل ابوهم في غيابك ينشدون!!
............وين منهو خابرينه في حماگ..!؟
وينه اللي كان لك جفن وعيون؟!
.............اقرب من انفاسك وشمة هوآگ!!
بهالبساطة كل هالعشره تهون !؟
...........هو صحيح انه بهالقسوة رماگ !؟
هو صحيح ان الوفا يقدر يخون؟!
.......هو صحيح ان العشق نفسه عصاگ!؟
قلت عز الله مــحبوبي يــمون
............وجيت ابرر بيني وبيني خطاگ
ما اساوم في غلاتك ي فتون
.................وكل عمري يابعد عمري فداگ
مؤمن بعشقگ ولاعندي ظنون
................ومن شبابيك الامل المح لقاگ
مثل قيسٍ ابن الملوح والجنون
.........ايہه.. انا ( المجنون ) والسبه غلاگ
لو يهون الگون لايمكن تهون
...........ومستحيل انساك لو غيري نساگ
