طـال الزمان وغيرت برجها الشمس
طـال الزمان وغيرت برجها الشمس
وطـاحـت عـليه مظـلمات الليالي
وقمت أصيح وأحط خمساً على خمس
وأمـشـي مـع العالم وكني لحالي
واشكي وأقول اليوم ماهو سواة أمس
قـامـت تـصافقني الصبا والعوالي
غـديـت مثل اللي مقيد في الحبس
لأحـد يـزاورنـي ولا أحـد بدالي
مـاكـنـي إلا من قبائل بني عبس
لا لـي رفـيـق ولا صـديقا موالي
وإلا كـمـا تـلـميذ مايفهم الدرس
تـتعب معه وصبح من الدرس خالي
حـمـست قلبي يازمان الشقا حمس
حـتـى نـفـذ صبري وقل إحتمالي
تـتـغـيـر الأيـام وتـغير الطقس
وصـارت يـمني ماتقارب شـمالي
وأخـذت لي عبره من الجن والأنس
وزولي رخص من عقب ماكان غالي
مـادامـت الأيـام ترمس بنا رمس
نـصـبـر ولـله الوفاء والكـمالي
الـعين إلا جاها العمى ماتبي اللمس
تـلـقـى دواهـا عند رب الجلالي
يـاالله يـامـنجي محمد من الفرس
تـحـط عـن ظـهري ذنوباً ثقالي
الله أكـبـر كـل شئ صار بالعكس
وسـاعـة الـتوقيت صارت زوالي
من ما راق لى
