حيـاك يــا مــن سـاكـن القـلـب حـيـاك
حيـاك عنـدي واسكـن القلـب بـرفـوق
ارفـق علـى قلـب(ن) يحـبـك ولــولاك
محدن عرف للحسـن والفـن والـذوق
سبحـان مـن صـور جمـالـك وســواك
تـرى المولـع ناحـل الحـال يــا شــوق
عطنـي دليـل(ن) بالـوفـاء لا عدمـنـاك
واعطيك حبي لو غدا القلـب محـروق
وإن عفتنـي يـا زيـن يــا كـبـر بـلـواك
قـال المثـل مـا كــل مـطـرود ملـحـوق
حـرام بعـد الـيـوم مــا احــب شــرواك
الـلـي فعايلـهـم غــدر غــش وعـقـوق
ياللي من اجلك زارعن دربي اشـواك
وش حيلتي لا صحت بالصوت مخنوق
والله لـو تـدري عــن الـشـوق يمـنـاك
ما صافحت غيري من الناس مخلـوق
